ৰাজস্থানত পুৰস্কাৰ ঘোষিত পলাতক অপৰাধীৰ বাসগৃহ উচ্ছেদ প্ৰশাসনৰ

ৰাজস্থানৰ কোটাত এক লাখ টকাৰ পুৰস্কাৰ ঘোষিত পলাতক অপৰাধী আছলম শ্বেৰ খান নামৰ অপৰাধীৰ সম্পত্তিত প্ৰশাসনৰ উচ্ছেদ অভিযান ৷ ইউ আই টিৰ জাননীৰ পাছতো আছলম শ্বেৰ খান ইউআইটিৰ ওচৰত উপস্থিত নোহোৱাৰ পাছতে চলোৱা হয় এই অভিযান ৷

নিউজ ডেস্ক, 27 জানুৱাৰী : বিজেপি শাসিত ৰাজ্য উত্তৰ প্ৰদেশ আৰু মধ্যপ্ৰদেশত মাফিয়া আৰু কুখ্যাত অপৰাধীৰ বাসগৃহ ভাঙি পেলোৱাতো এতিয়া সাধাৰণ কথা হৈ পৰিছে ৷ এই ক্ষেত্ৰত আৰক্ষীৰ অভিযানৰ লগতে চহৰ উন্নয়ন নিগমেও প্ৰশাসনক সহযোগিতা আগবঢ়়াই সেই অপৰাধী সকলৰ বাসগৃহ আৰু অবৈধ নিৰ্মাণকাৰ্য সমূহ উচ্ছেদ কৰে ৷

ৰাজস্থানত পুৰস্কাৰ ঘোষিত পলাতক অপৰাধীৰ বাসগৃহ উচ্ছেদ প্ৰশাসনৰ

এতিয়া এই কাৰ্য কংগ্ৰেছ শাসিত ৰাজ্য ৰাজস্থানতো দেখিবলৈ পোৱা গৈছে ৷ ৰাজস্থানৰ কোটাত এক লাখ টকাৰ পুৰস্কাৰ ঘোষিত পলাতক অপৰাধী আছলম শ্বেৰ খান নামৰ অপৰাধীৰ সম্পত্তিত উচ্ছেদ চলায় প্ৰশাসনে ৷ ইউ আই টিৰ জাননীৰ পাছতো আছলম ইউআইটিৰ ওচৰত উপস্থিত নোহোৱাৰ পাছতে 25 জানুৱাৰী তাৰিখে অপৰাধীজনৰ বাসগৃহ উচ্ছেদ কৰাৰ সিদ্ধান্ত গ্ৰহণ কৰিছিল ৷

ৰাজস্থানত পুৰস্কাৰ ঘোষিত পলাতক অপৰাধীৰ বাসগৃহ উচ্ছেদ প্ৰশাসনৰ

25 জানুৱাৰীত পুৰস্কাৰ ঘোষিত পলাতক অপৰাধী আছলমৰ বাসগৃহ ভঙাৰ সিদ্ধান্ত ললেও পিছদিনা গণতন্ত্ৰ দিৱসৰ বাবে এই অভিযান স্থগিত ৰাখি 27 জানুৱাৰীতহে এই অভিযান চলোৱা হয় ৷ এই অভিযান চলোৱাৰ সময়ত অঞ্চলটোত যথেষ্ট সংখ্যক নিৰাপত্তাবাহিনী মোতায়ন কৰা হয় ৷ যাৰ পাছতেই জেচিবি আৰু অন্যান্য সামগ্ৰী লৈ পলাতক অপৰাধী আছলম শ্বেৰ খান উৰ্ফ চিন্টুৰ বাসগৃহ তথা অবৈধ ভাৱে নিৰ্মাণ কৰা সম্পত্তিৰ বিৰুদ্ধে চলায় উচ্ছেদ অভিযান ৷

লগতে পঢ়ক: পুনৰ চিকিৎসালয়ত ভৰ্তি কৰা হৈছে সৌৰৱ গাংগুলীক