কোনো হিন্দু ভাৰত বিৰোধী হ’ব নোৱাৰেঃ মোহন ভাগৱত

2021 বৰ্ষৰ প্ৰথমটো দিনতে ৰাজঘাটত অনুষ্ঠিত এক সমাৰোহত জে.কে বাজাজ আৰু এম.ডি শ্ৰীনিবাস দ্বাৰা জাতিৰ পিতা মহাত্মা গান্ধীৰ ওপৰত লিখিত গ্ৰন্থ ‘মেকিং অব এ হিন্দু পেট্ৰিয়ট’ৰ উন্মোচন কৰে আৰএচএচৰ প্ৰধান মোহন ভাগৱতে ৷ গ্ৰন্থখন উন্মোচন কৰি তেখেতে কয়,কোনোবা যদি হিন্দু আছে তেন্তে তেওঁ দেশভক্ত হ’বই লাগিব ৷ কোনো হিন্দু ভাৰত দ্ৰোহী বা ভাৰত বিৰোধী হ’ব নোৱাৰে ৷

নেশ্যনেল ডেস্ক,2 জানুৱাৰী: শুকুৰবাৰে জাতিৰ পিতা মহাত্মা গান্ধীৰ ওপৰত লিখিত গ্ৰন্থ ‘মেকিং অব এ হিন্দু পেট্ৰিয়ট’ৰ উন্মোচন কৰে আৰএছএছৰ প্ৰধান মোহন ভাগৱতে ৷ গ্ৰন্থখন উন্মোচন কৰি তেখেতে কয়,কোনোবা যদি হিন্দু আছে তেন্তে তেওঁ দেশভক্ত হ’বই লাগিব ৷ দেশভক্তি তেওঁৰ তেজত আছে ৷ কোনো হিন্দু ভাৰত দ্ৰোহী বা ভাৰত বিৰোধী হ’ব নোৱাৰে ৷

2021 বৰ্ষৰ প্ৰথমটো দিনতে ৰাজঘাটত অনুষ্ঠিত এক সমাৰোহত জে.কে বাজাজ আৰু এম.ডি শ্ৰীনিবাস দ্বাৰা লিখিত গ্ৰন্থখন উন্মোচন কৰি এই গ্ৰন্থখন মহাগান্ধীৰ ওপৰত নিখুত গৱেষণা আখ্যা দিয়ে আৰএচএচ প্ৰধানগৰাকীয়ে ৷ এই গ্ৰন্থখনক লৈ বহু জল্পনা-কল্পনাৰ সৃষ্টি হ’ব পাৰে কিন্তু এই সকলোবোৰৰ কোনো প্ৰয়োজন নাই বুলিও কয় মোহন ভাগৱতে ৷

তেখেতে আৰু কয়,প্ৰত্যেকগৰাকী ব্যক্তিৰ মাজতে দেশভক্তিৰ প্ৰবৃত্তি থাকে ৷ ভাৰতবৰ্ষত লোকসকলে এই ভূমিখনক আপোন বুলি ভাবে ৷ প্ৰতিগৰাকী ব্যক্তিয়ে বিভিন্ন ৰূপত ভূমিৰ পূজা,মাটিৰ পূজা কৰে ৷ কিন্তু গান্ধীজীয়ে কৈছিল মোৰ দেশভক্তি মোৰ ধৰ্মৰ দ্বাৰা প্ৰকাশ পায় ৷ স্বৰাজ বহুলোকেই বিচাৰে ৷ কিন্তু যেতিয়ালৈকে আপুনি স্ব-ধৰ্মক বুজি নাপায় তেতিয়ালৈকে আপুনি স্বৰাজৰ অৰ্থ বুজি নাপায় বুলি কয় মোহন ভাগৱতে ৷

লগতে পঢ়ক-দিল্লী গাজিপুৰ সীমান্তৰ প্ৰতিবাদস্থলীত আত্মহত্যা কৃষকৰ