নিউজ ডেস্ক, ১৮ এপ্ৰিলঃ এইবাৰ কোভিড-১৯ৰ বিৰুদ্ধে যুঁজ দিবলৈ ভাৰতীয় স্থল সেনাই প্ৰস্তুত কৰি উলিয়াইছে এটা মোবাইল এপ্লিকেশ্যন। অসামৰিক প্ৰশাসনক সহায় কৰিবলৈ স্থল সেনাই ‘Covid-19 Helpline J&K’, নামেৰে প্ৰস্তুত কৰি উলিয়াইছে এটা ব্যৱহাৰৰ উপযোগী এপ ।
স্থানীয় লোকসকলক সহায় কৰিব পৰাকৈ এই এপটোৱে লোকেশ্যন আৰু চিকিৎসালয়ৰ ফোন নম্বৰ,নিয়ন্ত্ৰণ কক্ষ আৰু ৰেপিড ৰেছপন্স টীমৰ বিষয়ে জাননী প্ৰদান কৰিব । গুগল মেপৰ সহায় লৈ সংহতভাৱে এই এপটো প্ৰস্তুত কৰি উলিয়াইছে সেনাৰ অভিযন্তাসকলে। এই এপটোত জম্মু-কাশ্মীৰৰ ৰেড জ'ন অঞ্চলসমূহৰ জাননীৰ লগতে কোভিড-১৯ৰ বিৰুদ্ধে ল'বলগীয়া প্ৰতিকাৰমূলক ব্যৱস্থাসমূহৰ উল্লেখ থাকিব। এপটো ডাউনলোড কৰি মোবাইল নম্বৰৰ সহায়ত পঞ্জীয়নভুক্ত হৈ ইয়াক ব্যৱহাৰ কৰিব পৰা যাব বুলি স্থল সেনাই প্ৰকাশ কৰিছে ।