বানৰ কৱলত মুম্বাই মহানগৰী

মুম্বাই মহানগৰীত চকুৰ সন্মুখতে খহি পৰিল দেৱাল

মুম্বাই, 8 জুলাইঃ মুম্বাইত পুনৰ মুষলধাৰ বৰষুণ ৷ কিছুদিন পূ্ৰ্বে অহা বৰষুণ বতাহজাকে সকলো ধ্বংস কৰাৰ পিচতে মঙলবাৰে পুনৰ অহা বৰষুণে ব্যাহত কৰে মুম্বাই মহানগৰীৰ জীৱন-যাত্ৰা ৷ বন্ধ হৈ পৰে সকলো ৰাস্তা-ঘাট ৷ বৰষুণৰ ফলত যান-জঁটৰো সৃষ্টি হোৱা পৰিলক্ষিত হয় মুম্বাইত ৷

আনহাতে এই বৰষুণত পূৱ আন্ধেৰীৰ এখন দেৱাল খহি পৰে ৷ দেৱালখন খহি পৰা স্থানত এগৰাকী মহিলা আৱদ্ধ হৈ থকা বুলি সন্দেহ কৰিছে একাংশ লোকে ৷

মঙলবাৰে পুৱাৰে পৰা মুষলধাৰ বৰষুণত মুম্বাই বুৰ যোৱা বুলি জানিবলৈ দিছে বতৰ বিজ্ঞান কেন্দ্ৰই ৷ এই বৰষুণৰ ফলত কেইবাখনো ৰে'লৰ লগতে বিমান সেৱাৰ সময় সলনি কৰিব লগা হয় ৷