লক ডাউনৰ মাজতেই প্ৰাক্তন মন্ত্ৰীৰ পুত্ৰৰ বিবাহ

লক ডাউন মাজত বিবাহ পাশত বহিল প্ৰাক্তন মুখ্যমন্ত্ৰী এইজ ডি কুমাৰাস্বামীৰ পুত্ৰ অভিনেতা নিখিল কুমাৰাস্বামী। বেংগালুৰুৰ এখন ফাৰ্ম হাউচত অনুষ্ঠিত হয় এই বিবাহ।

নিউজ ডেস্ক, ১৭ এপ্ৰিলঃদেশত এতিয়া দ্বিতীয়টো লক ডাউন। কৰ'ণা ভাইৰাছৰ ভয়াৱহতাৰ প্ৰতি লক্ষ্য ৰাখিয়ে লক ডাউনৰ সময় সীমা পূৰ্বৰ ১৪ এপ্ৰিলৰ পৰা ৩ মে' লৈ বৃদ্ধি কৰে ভাৰত চৰকাৰে । কিন্তু লক ডাউনৰ মাজতেই প্ৰাক্তন প্ৰধানমন্ত্ৰী দেৱগ'ড়াৰ নাতি আৰু কৰ্ণাটকৰ প্ৰাক্তন মুখ্যমন্ত্ৰী এইজ ডি কুমাৰাস্বামীৰ পুত্ৰ অভিনেতা নিখিল কুমাৰাস্বামী বিবাহ পাশত আবদ্ধ হয় ।

১৭ এপ্ৰিল অৰ্থাৎ আজি ৰেৱাথীৰ সৈতে বিবাহ বান্ধোনত বান্ধ খায় দুয়ো । প্ৰাক্তন কৰ্ণাটকৰ মন্ত্ৰী এন. কৃষ্ণাপাৰ ভতিজীয়েক ৰেৱাথী। বেংগালুৰুৰ চহৰৰ পৰা আঁতৰত এখন ফাৰ্ম হাউচত অনুষ্ঠিত কৰা হয় এই বিবাহ অনুষ্ঠান । কেৱল পৰিয়ালবৰ্গৰ সদস্য় সকলে উপস্থিত থাকে এই বিবাহ অনুষ্ঠানত ।