নিউজ ডেস্ক, ৮ জুলাইঃ ভাৰতীয় ক্ৰিকেট কন্ট্ৰোল বোৰ্ড (BCCI)ৰ অধ্যক্ষ তথা ভাৰতৰ ক্ৰিকেট দলৰ প্ৰাক্তন অধিনায়ক সৌৰভ গাংগুলীয়ে বুধবাৰে উদযাপন কৰে ৪৮ সংখ্যক জন্মদিৱস । প্ৰাক্তন খেলুৱৈ গৰাকীৰ জন্মদিৱসত শুভেচ্ছা জ্ঞাপন কৰে অসংখ্য ক্ৰিকেট অনুৰাগীকে ধৰি শুভাকাংক্ষীয়ে । ১৯৭২ চনত ৮ জুলাই জন্মগ্ৰহণ কৰা সৌৰভ গাংগুলী বিশ্বৰ ভিতৰতে এগৰাকী ক্ৰিকেট আইকন হিচাপে পৰিচিত ।
এটা দশকৰো অধিক সময় গাংগুলীৰ দুৰ্দান্ত বেটিঙৰ বাবে দেশ আৰু বিশ্বজুৰি ক্ৰিকেট অনুৰাগীসকলক ৰোমাঞ্চিত কৰিছে । দেশজুৰি 'দাদা' বুলি সম্বোধন কৰা গাংগুলীয়ে ১৯৯৬ চনত ইংলেণ্ডৰ বিৰুদ্ধে খেলা টেষ্টৰ জৰিয়তে ক্ৰিকেট জগতত ভৰি দিয়ে । তাৰোপৰি গাংগুলীক ক্ৰিকেটৰ শতকৰ ভগৱান বুলিও পৰিচিত । গাংগুলীয়ে ১৯৯৯ চনৰ ক্ৰিকেট বিশ্ব কাপত শ্ৰীলংকাৰ বিৰুদ্ধে ১৮৩ ৰাণ কৰাৰ উপৰিও ৰাহুল দ্ৰাবিড়ৰৰ সহযোগত মুঠ ৩১৮ ৰাণ কৰিবলৈ সক্ষম হয় ।