কাশ্মীৰৰ পৰা উভতাই অনা হ'ব 100 টা অৰ্ধ সামৰিক বাহিনীৰ কোম্পানী

চি আৰ পি এফৰ মুঠ 40 টা কোম্পানী আৰু চি আই এচ এফ, বি এছ এফ আৰু এছ এছ বিৰ 20-20 টাকৈ কোম্পানীক জম্মু কাশ্মীৰৰ পৰা উভতাই অনা হ‘ব ৷

নিউজ ডেস্ক, 20 আগষ্ট : কেন্দ্ৰীয় চৰকাৰে কেন্দ্ৰীয় শাসিত অঞ্চল জম্মু আৰু কাশ্মীৰৰ পৰা অৰ্ধ সামৰিক বাহিনীৰ প্ৰায় 10 হাজাৰ জোৱানক তৎকালীনভাৱে উভতাই অনাৰ নিৰ্দেশ প্ৰদান কৰে ৷ বুধবাৰে এই কথা সদৰি কৰে বিভাগীয় কতৃপক্ষই ৷

বিষয়াসকলে কয় যে, কেন্দ্ৰীয় গৃহ মন্ত্ৰালয়ে জম্মু-কাশ্মীৰত নিয়োজিত চি আৰ পি এফ সন্দৰ্ভত এক সমীক্ষা কৰে ৷ যাৰ পাছতে এই সিদ্ধান্ত গ্ৰহণ কৰা হয় ৷

এগৰাকী শীৰ্ষ বিষয়াই কয় যে, অৰ্ধ সামৰিক বাহিনীৰ মুঠ 100 টা কোম্পানীক তৎকালীন ভাৱে উভতিবলৈ নিৰ্দেশ দিয়া হৈছে ৷

নিৰ্দেশনাত উল্লেখ কৰা অনুসৰি, চি আৰ পি এফৰ মুঠ 40 টা কোম্পানী আৰু চি আই এচ এফ, বি এচ এফ আৰু এছ এছ বিৰ 20-20 টাকৈ কোম্পানীক জম্মু কাশ্মীৰৰ পৰা উভতাই অনা হ‘ব ৷

লগতে পঢ়ক : জম্মু-কাশ্মীৰ এনকাউন্টাৰ : নিহত লস্কৰৰ কমাণ্ডাৰসহ তিনি উগ্ৰপন্থী