শ্ৰমিক আইন প্ৰত্যাহাৰৰ সিদ্ধান্ত বাতিল কৰক চৰকাৰেঃ ব্ৰীজেশ উপাধ্যায়

ইটিভি ভাৰতৰ সৈতে হোৱা এক সাক্ষাৎকাৰত বিএমএছৰ সচিব ব্ৰীজেশ উপাধ্যায়ে চৰকাৰে গ্ৰহণ কৰা শ্ৰমিক আইন বাতিলৰ সিদ্ধান্ত উঠাই লোৱাৰ ওপৰত মতপ্ৰকাশ কৰে ৷

নিউজ ডেস্ক, 18 মে' : ৰাষ্ট্ৰীয় স্বয়ংসেৱক সংঘৰ সহযোগী সংস্থা ভাৰতীয় মজদুৰ সংঘৰ সাধাৰণ সচিব ব্ৰীজেশ উপাধ্যায়ে ইটিভি ভাৰতৰ সৈতে হোৱা এক সাক্ষাৎকাৰত কেতবোৰ গুৰুত্বপূৰ্ণ মন্তব্য কৰে ৷ শ্ৰমিক আইন বাতিলকৰণৰ সন্দৰ্ভত ইটিভি ভাৰতৰ আগত নিজৰ মন্তব্য প্ৰকাশ কৰে নেতাগৰাকীয়ে ৷

ইটিভি ভাৰতৰ সৈতে হোৱা সাক্ষাৎকাৰত ব্ৰীজেশ উপাধ্যায়ে চৰকাৰে শ্ৰমিকৰ বিৰুদ্ধে গ্ৰহণ কৰা স্থিতিক কঠোৰ ভাষাৰে গৰিহণা প্ৰদান কৰে ৷ তেওঁৰ মতে, শ্ৰমিক আইন বাতিল কৰাৰ বিপৰীতে শ্ৰমিকসকলৰ লগতে শ্ৰমিক সংগঠনৰ সৈতে সহযোগিতামুলক বাৰ্তালাপ কৰি সংশ্লিষ্ট আইনৰ সংশোধনীৰ ওপৰত তেওঁ অধিক গুৰুত্ব প্ৰদান কৰে ৷ শ্ৰমিকসকল এতিয়া পথলৈ ওলাই আহিবলগীয়া হৈছে, বহুতেই চাকৰি হেৰুৱাইছে ৷ এনে পৰিস্থিতিত চৰকাৰে সকলো দিশ আগত ৰাখি এই আইন সন্দৰ্ভত এক গঠনমুলক সিদ্ধান্ত লোৱাৰ ক্ষেত্ৰত তেওঁ মতপ্ৰকাশ কৰে ৷ এইক্ষেত্ৰত শ্ৰমিকসকলক অধিক পৰিমানে নিশ্চিত নিয়োগ প্ৰদানৰ ওপৰত তেওঁ গুৰুত্ব প্ৰদান কৰে ৷

ইতিমধ্যে শ্ৰমিকসকলৰ সহায় হোৱাকৈ সংগঠনটোৱে ভাৰতৰ বিভিন্ন প্ৰান্তত গোট গঠন কৰিছে বুলি তেওঁ জানিবলৈ দিয়ে ৷ আনহাতে এই সন্দৰ্ভত তেওঁলোকে ৰাষ্ট্ৰপতি ৰামনাথ কোৱিন্দৰ সৈতে আলোচনাত মিলিত হোৱাৰ কথাও প্ৰকাশ কৰে ৷