গুৱাহাটী,২৬আগষ্টঃ আগন্তুক নিৰ্বাচনত বাক্সা জিলাৰ গোৰেশ্বৰ পৰিষদীয় সমষ্টিত মূল যুঁজখন বি পি এফ আৰু বি জে পিৰ মাজত হোৱাৰ সম্ভাৱনা প্ৰবল হৈ উঠিছে । সমষ্টিটোৰ পৰা দুবাৰকৈ জয়ী হোৱা বি পি এফৰ প্ৰাৰ্থী মহেশ্বৰ বসুমতাৰীয়ে এইবাৰো পূৰ্ণগতিত প্ৰচাৰ চলাইছে । বসুমতাৰীয়ে গোৰেশ্বৰ সমষ্টিত উন্নয়ণমূলক কাম কৰি ৰাইজৰ মন জয় কৰিছে । একাংশ পালিনেতাই দুৰ্নীতিত লিপ্ত হোৱাত কামত বিসংগতিও দেখা দিছে । ফলত বসুমতাৰীৰ ভোটৰ অংকত কিছু প্ৰভাৱ পৰাৰ আশংকা আহি পৰিছে ।
বিটিচিত আগন্তুক নিৰ্বাচনৰ কুচ-কাৱাজ - বি পি এফ আৰু বি জে পি
নিৰ্বাচনী বতাহ তীব্ৰতৰ হৈ পৰিছে বড়োলেণ্ডত। ক'ভিড-১৯ৰ ভয়াৱহ পৰিস্থিতিৰ বাবে উচ্চ ন্যায়ালয়ে নিৰ্বাচন অনুষ্ঠিত কৰাৰ অনুমতি দিয়া নাই যদিও থমকি ৰোৱা নাই ৰাজনৈতিক দলসমূহ। শাসনৰ গাদীত উপৱিষ্ট হ'বলৈ প্ৰচাৰ অভিযান চলাইছে ৰাজনৈতিক নেতা-পালিনেতাই। বৰ্তমানেও নিৰ্বাচনী আয়োগে নিৰ্বাচনৰ দিন ঘোষণা কৰা নাই।
বিটিচিত আগন্তুক নিৰ্বাচনৰ কুচ-কাৱাজ
আনহাতে বিভিন্ন কৌশল অৱলম্বন কৰি সমষ্টিটো দখল কৰিবলৈ উঠিপৰি লাগিছে বি জে পিয়ে। দলটোৱে গাঁও অঞ্চলত ৰাইজৰ মাজত প্ৰচাৰ অভিযান চলাইছে । গোৰেশ্বৰ পৰিষদীয় সমষ্টিটো ৰঙিয়া বিধানসভা সমষ্টিৰ অন্তৰ্গত হোৱাৰ বাবে সমষ্টিটোৰ বিধায়ক তথা মন্ত্ৰী ভৱেশ কলিতাই বিজেপি প্ৰাৰ্থী গজেন বড়োৰ বিজয় নিশ্চিত কৰাত চেষ্টা অব্যাহত ৰাখিছে । সততে ৰাইজৰ মাজত চৰ্চিত হৈ আছে যে, গোৰেশ্বৰ পৰিষদীয় সমষ্টিটোৰ ফলাফলে ভৱিষ্যতে ৰঙিয়া বিধানসভা সমষ্টিৰ লগতে মন্ত্ৰী ভৱেশ কলিতাৰ ৰঙিয়া দখল কৰাৰ স্বপ্ন নিৰ্ধাৰণ কৰিব।
গোৰেশ্বৰ পৰিষদীয় সমষ্টিৰ পৰা ইউ পি পি এলৰ প্ৰাৰ্থী পবিত্ৰ কুমাৰ বড়োৱে প্ৰতিদন্দিতা কৰিব । পূৰ্বতে এবাৰ সমষ্টিটোৰ পৰা পবিত্ৰ কুমাৰ বড়ো জয়ী হৈছিল যদিও ৰাইজৰ হকে উন্নয়ণমূলক কাম নকৰাৰ অভিযোগ এতিয়াও ৰাইজৰ মাজত বিদ্যামান । তেওঁ এবছুৰ জনপ্ৰিয়তাৰ যোগেদি নিৰ্বাচনী বৈতৰণী পাৰ হোৱাৰ পৰিকল্পনা কৰিছে । সমষ্টিটোৰ পৰা অবড়োকে ধৰি আৰু ৫ গৰাকী প্ৰৰ্থী আছে যদিও বি পি এফ আৰু বি জে পিৰ মাজতে মূল যুঁজখন হোৱাৰ সম্ভৱনা অধিক।