মন্দিৰৰ দেৱ-দেৱতাৰো উঠে গৰম, দেৱতাক গৰমৰ পৰা ৰক্ষা দিবলৈ কুলাৰৰ বিশেষ ব্যৱস্থা

শ্ৰী সীতা ৰাম মন্দিৰত দেৱ-দেৱী সকলৰ মূৰ্তিক গৰমৰ পৰা ৰক্ষা দিবলৈ মন্দিৰ কৰ্তৃপক্ষই ব্যৱস্থা কৰিলে কুলাৰৰ, যাতে কোনো কাৰণতে ভগৱানে অনুভৱ কৰিব নোৱাৰে গৰম

নিউজ ডেস্ক, 18 মে': উৎকট গৰমৰ পৰা দেৱ-দেৱতাক ৰক্ষা দিবলৈ উত্তৰ প্ৰদেশৰ অযোধ্যাৰ এটা মন্দিৰত কৰা হ'ল বিশেষ ব্যৱস্থা৷ শ্ৰী সীতা ৰাম মন্দিৰত দেৱ-দেৱী সকলৰ মূৰ্তিক গৰমৰ পৰা ৰক্ষা দিবলৈ মন্দিৰ কৰ্তৃপক্ষই কৰিলে কুলাৰৰ ব্যৱস্থা, যাতে কোনো কাৰণতে ভগৱানে অনুভৱ কৰিব নোৱাৰে গৰম ৷ তাৰোপৰি গৰমৰ কৱলৰ পৰা ৰক্ষা পৰাৰ উদ্দেশ্যে দেৱতাসকলক গোলাপ জলেৰেও স্নান কৰোৱা হয় ৷

ইতিমধ্যে মন্দিৰ অৱস্থিত অঞ্চলত 40 ডিগ্ৰীৰো অধিক তাপমান হোৱাৰ লগতে আগন্তুক সময়ত আৰু অধিক বৃদ্ধিৰ সম্ভাৱনা আছে বুলি জনায় মন্দিৰ কৰ্তৃপক্ষই ৷ মন্দিৰৰ পূজাৰীয়ে জনোৱা মতে মন্দিৰৰ দেৱতাসকলে যাতে গৰম অনুভৱ কৰিব নোৱাৰে তাৰ বাবেই কুলাৰ আৰু গোলাপ জলেৰে স্নান কৰোৱা হয় দেৱতাৰ মূৰ্তি৷