নিউজ ডেস্ক, ২২ জুনঃ বিশ্বজুৰি ২১ জুন অৰ্থাৎ দেওবাৰ পৰ্যন্ত মহামাৰী COVID-19 ত আক্ৰান্ত হৈছে ৯২,৩৮,৮০৭ গৰাকীৰো অধিক লোক । তাৰোপৰি ভাইৰাছ আক্ৰান্ত হৈ ৪,৬৯,৬০৪ গৰাকী লোকৰ মৃত্যু হোৱা উপৰিও আৰোগ্য হৈ উঠিছে ৪৮,৩৩,৫৭৪ ৰো অধিক লোক ।
বিশ্বজুৰি দ্ৰুত গতিত বৃদ্ধি পাইছে মহামাৰী কৰ'ণা আনহাতে, বিশেষজ্ঞ সকলৰ মত অনুসৰি প্ৰত্যেকদিনাই সমগ্ৰ বিশ্বজুৰি বৃদ্ধি পাইছে মহামাৰী COVID-19 ত আক্ৰান্তৰ সংখ্যা । তাৰোপৰি আমেৰিকাত বৰ্তমান পৰ্যন্ত দুই-তৃতীয়াংশতকৈ অধিক লোকৰ COVID-19 ত আক্ৰান্ত হৈ মৃত্যু হৈছে বুলি সদৰি কৰে ।
স্পেইনত বিগত তিনিমাহ ধৰি চলা লক ডাউনৰ শিথিলতাৰ পাচতে দেওবাৰৰ পৰা স্বাভাৱিক পৰিস্থিতিলৈ ঘূৰি আহে জনজীৱন । যাৰ পৰিপ্ৰেক্ষিতত দেওবাৰৰ পৰা প্ৰায় ৪৭ মিলিয়ন স্পেইনবাসীক বিগত ১৪ মাৰ্চৰ পাচত দেশখনত মুকলিভাৱে যাত্ৰা কৰাৰ অনুমতি প্ৰদান কৰে চৰকাৰে ।
বিশ্বজুৰি দ্ৰুত গতিত বৃদ্ধি পাইছে মহামাৰী কৰ'ণা তাৰোপৰি বিট্ৰেইনত চৰকাৰে বহিঃৰাষ্ট্ৰৰ পৰা যোৱা লোকসকলৰ বাবে ১৪ দিনীয়া কোৱাৰেণ্টাইনৰ ব্যৱস্থা উঠাই দিয়াৰ বিপৰীতে ২৬ খন ইৰোপীয়ান দেশে ভিছা অবিহনে ভ্ৰমণ কৰাৰ বাবে অনুমতি প্ৰদান কৰে ।
আনহাতে,ইংলেণ্ডত ২১ জুন অৰ্থাৎ দেওবাৰে বছৰটোৰ আটাইতকৈ দীৰ্ঘতম দিন হিচাপে চিহ্নিত হোৱাত ষ্টোনহেঞ্জত সূৰ্যাস্তৰ দৃশ্য গ্ৰহণ কৰিবলৈ যোৱা লোকসকলক যাবলৈ বাধা প্ৰদান কৰে । মহামাৰী কৰ'ণাৰ সংক্ৰমণ ৰোধ কৰিবলৈয়ে প্ৰশাসনে বাধা প্ৰদান কৰে বুলি জানিবলৈ দিয়ে।
দেওবাৰে চীনত নতুনকৈ মহামাৰী কৰ'ণাত হৈছে ২৫ গৰাকী ব্যক্তি । ইয়াৰ ভিতৰত ২২ গৰাকী কৰ'ণা আক্ৰান্ত ব্যক্তি চীনৰ ৰাজধানী বেইজিঙৰ বুলি চিনাক্ত কৰা হয় । আনহাতে, বেইজিঙত নতুনকৈ কৰ'ণা আক্ৰান্ত সংখ্যা অধিক পোৱা বাবেই বেইজিঙৰ পৰা চীনৰ অন্য ঠাইলৈ কোনো লোকে যাত্ৰা কৰিলে কৰ'ণাৰ টেষ্টৰ প্ৰমাণ পত্ৰ দেখুৱাইহে যাত্ৰা কৰিব পাৰবি বুলি সদৰি কৰে ।
লগতে চাওকঃ নৰেন্দ্ৰ মোডীক ভগৱানৰ নেতা সজালে জেপি নাড্ডাই
