পশ্চিমত্তানাসন (আগফালে হাউলি বহা) :
এই আসনৰ ফলত মুখলৈ তেজ চলাচল হয় । ইয়াৰ দ্বাৰা কেৱল মুখৰ কোষলৈ অক্সিজেনৰ যোগান ধৰাই নহয়, ইয়াৰ ফলত পুষ্টিও লাভ কৰে । ফলত ছালত হোৱা ক্ষতিসমূহ দূৰ কৰি জীপাল কৰি তোলে । মজিয়াত বহি আপোনাৰ ভৰি দুখন সন্মুখলৈ চিধাকৈ মেলি ৰাখক । ইয়াৰ লগতে ৰাজহাড় পোনাই বহিব । উশাহ লওক আৰু আপোনাৰ বাহু মূৰৰ ওপৰলৈ ডাঙক । উশাহ এৰি দিয়াৰ লগে আগফালে হাউলিবলৈ চেষ্টা কৰক । ভৰিৰ আঙুলি স্পৰ্শ কৰাৰ বাবে চেষ্টা কৰক । যিমান দূৰ পাৰে সিমানখিনিহে চেষ্টা কৰিব । জোৰকৈ ভৰিৰ আঙুলি স্পৰ্শ কৰিব নুখুজিব । এতিয়া উশাহ লওক আৰু আগৰ অৱস্থালৈ ঘূৰি আহক । এয়া দুই-তিনিবাৰলৈ কৰি থাকক । ২০-৬০ ছেকেণ্ডৰ বাবে আগফালে হাউলি থাকক । গভীৰভাৱে উশাহ লওক আৰু লাহে লাহে স্বাভাৱিক অৱস্থালৈ ঘূৰি আহক ।
চক্ৰাসন :
ভালকৈ পিচমুৱা হোৱা এই আসনে আমাৰ কামিহাড় মুকলি কৰাৰ লগতে আমাৰ হাওঁফাওঁৰ অক্সিজেন গ্ৰহণ কৰিব পৰা ক্ষমতা বৃদ্ধি কৰে । এই আসনে মানসিক চাপ গ্ৰাস কৰে আৰু শৰীৰত হৰমনৰ মাত্ৰা নিয়ন্ত্ৰণত ৰাখে । অনিয়ন্ত্ৰিত হৰমনৰ ফলতেই মুখত দাগ আৰু শালমন দেখা পোৱা যায় ।
যোগাভ্যাস অভিজ্ঞ লোকৰ পৰ্যবেক্ষণতহে কৰিব পিছলৈ হালি পৰক :
আঁঠু বেঁকা কৰক যাতে নিতম্বৰ লগত সমান্তৰালকৈ আপোনাৰ ভৰি দুখন থাকে । হাত দুখন আপোনাৰ কান্ধত ৰাখক । হাত দুখন কান্ধত এনেদৰে ৰাখিব যাতে আঙুলিবোৰ আপোনাৰ মুখৰ দিশে হয় । এতিয়া আপোনাৰ শৰীৰটো ভৰি আৰু হাতৰ তলুৱাৰে নিয়ন্ত্ৰণত ৰাখক । শৰীৰৰ তলৰ অংশ পাৰি থোৱা কাপোৰখনৰ পৰা ওপৰত ৰাখক। মূৰটো একোৰে সহায় নোহোৱাকৈ ওলোমাই ৰাখক যদিও ডিঙিত হেঁচা নিদিব । এই অৱস্থানটো পাঁচ দহ মিনিটৰ বাবে ধৰি ৰাখক । লাহে লাহে স্বাভাৱিক অৱস্থালৈ আহক । যদি পৰি যায় তেতিয়া আপুনি মূৰত আঘাত পোৱাৰ শংকা থাকে ।
সৰ্বাংগাসন :
উজ্জ্বল ছালৰ বাবে এই আসনটোক আটাইতকৈ উপকাৰী যোগাসন বুলি কোৱা হয় । এই আসনে আপোনাৰ ছাল তথা ইয়াৰ গুণ বৃদ্ধিত সহায় কৰে । কাৰণ ইয়াৰ জৰিয়তে মুখলৈ ৰক্ত সঞ্চালন ঘটে । এই আসন দৈনিক তিনিৰ পৰা পাঁচবাৰলৈ কৰিলে শালমন, দাগ, ৰেখা, জড়তা আদিৰ পৰা আপোনাৰ মুখখন মুক্ত থাকিব । কাষত হাত দুখনৰে হেলান দি বহি লওক । এবাৰ লৰাই ভৰি দুখন দাঙক । শৰীৰৰ ভৰ কান্ধত দি পিছফাল আৰু নিতম্ব ওলোমাই ৰাখক । হাত দুখন পিঠিৰ পিনে লৈ যাওক আৰু কিলাকুটি ওচৰা-উচৰি কৰক । ভৰি দুখন চিধা আৰু ওচৰা-উচৰিকৈ ৰাখক । আঙুলিবোৰ যাতে ওপৰমুৱা হৈ থাকে সেয়া মন কৰিব । যদি আপুনি কিবা কষ্ট পাইছে স্বাভাৱিক অৱস্থালৈ উভতি আহক । অন্যথা একেই অৱস্থাত ৩০ ৰ পৰা ৬০ ছেকেণ্ডলৈ থাকিব পাৰে । লাহে লাহে আঁঠু ভাঁজ কৰি ভৰ দিব, হাতৰ তলুৱা মজিয়াত ৰাখিব আৰু তাৰ পাচত পিঠি, নিতম্ব আৰু ভৰিও মজিয়াত ৰাখিব ।
হলাসন :
মনটোক শান্ত কৰি ৰাখিবলৈ হলাসন হৈছে শ্ৰেষ্ঠ উপায় । ইয়াৰ ফলত মানসিক চাপ, ভাগৰ হ্ৰাস পোৱাৰ লগতে পাচন প্ৰক্ৰিয়া উন্নত হয় । এই সকলোবোৰ সমস্যাৰ প্ৰতিফলন আপোনাৰ ছালত দেখা যায় আৰু সেইবোৰৰ পৰা আৰোগ্য লাভ কৰিলে আপোনা আপুনি ছাল বা মুখত উজ্জ্বলতা আহে । এই আসনে শৰীৰত মেটাবলিজম নিয়ন্ত্ৰণত ৰাখে আৰু শৰীৰৰ বিষাক্ত দ্ৰব্যবোৰক আঁতৰ কৰে । এই আসনটো সাধাৰণতে সৰ্বাংগাসনৰ পাচত কৰা হয় । সৰ্বাংগাসন কৰাৰ পাচত স্বাভাৱিক অৱস্থালৈ ঘূৰি যোৱাৰ সলনি আপুনি চিধাকৈ থকা ভৰি দুখন লাহে লাহে মূৰৰ পিনে লৈ আহক । ভৰি দুখন মূৰৰ পিনে এনেদৰে লৈ আহক যাতে আপোনাৰ নিতম্ব ঊৰ্ধমুখী হৈ থাকে । সহায়ৰ বাবে আপুনি হাত দুখন পিঠিত বা মজিয়াত ৰাখিব পাৰে । হাত দুখন মুঠি মাৰি ভৰিৰ বিপৰীত দিশতো হাত দুখন পোনকৈ ৰাখিব পাৰে । যিমান সময় পাৰে সিমান সময় আপুনি এই অৱস্থাত থাকিব পাৰে । লাহে লাহে ভৰি দুখন চিধা কৰিবলৈ ল’ব । হাতৰ তলুৱা মজিতাত ৰাখিব, ভৰি, নিতম্ব মজিয়াত ৰাখি স্বাভাৱিক অৱস্থালৈ উভতি আহক ।
এনেদৰেই এই সকলোবোৰ আসনে ৰাসায়নিক প্ৰসাধন বা সামগ্ৰীয়ে দিব নোৱৰা স্বাভাৱিক উজ্জ্বলতা আপোনাৰ ছালক দিব পাৰে । আহক নিৰাপদে যোগাসন উপভোগ কৰোঁ ।
লগতে পঢ়ক :বিশ্ব মস্তিস্ক দিৱস ২০২০
