নিউজ ডেস্ক,১৪ অক্টোবৰ:মঙলবাৰে সন্ধিয়া ডিটেনশ্যন কেম্পৰ পৰা মুকলি হোৱাৰ পাচত জম্মু-কাশ্মীৰৰ প্ৰাক্তন মুখ্যমন্ত্ৰী মেহবুবা মুফ্টীৰ ৩৭০ নং অনুচ্ছেদ সন্দৰ্ভত মন্তব্য প্ৰদান । তেওঁ কয় যে,"তেওঁক বন্দী কৰাৰ সময়ত ৩৭০ নং অনুচ্ছেদক সংশোধন কৰা হয় । এই সিদ্ধান্ত সলনি কৰিবলৈ তেওঁ আপ্ৰাণ চেষ্টা কৰিব" ।
এক অডিঅ' বাৰ্তাযোগে তেওঁ কয় যে,সেই ক'লা দিনটোৰ প্ৰতিচ্ছবি এতিয়াও মোৰ মন-মগজুত ভাঁহি আছে । জম্মু-কাশ্মীৰৰ সৰহ সংখ্যক লোকৰ অনুভৱ একেই । কোনেও সেই দিনটোৰ অপমানক পাহৰিব নোৱাৰে" ।
লগতে তেওঁ ব্যক্ত কৰে যে,"বিগত বৰ্ষৰ আগষ্ট মাহত হোৱা ৩৭০ নং অনুচ্ছেদৰ সংশোধন এক অবৈধ আৰু অগণতান্ত্ৰিক সিদ্ধান্ত । এই ধাৰা পুনৰ সলনি কৰিবলৈ আৰু কাশ্মীৰৰ সমস্যা সমাধান কৰিবলৈ জম্মু-কাশ্মীৰ বাসীয়ে যুঁজ দিব লাগিব,যিয়ে সহস্ৰাধিক লোকৰ প্ৰাণ কাঢ়ি লৈছে । এই কাম সহজ নহয় যদিও আমাৰ দৃঢ়তাই আমাক পথ দেখুৱাব" ।
যিসকল লোকক ডিটেনশ্যনৰ অধীনত কাৰাগাৰত বন্দী কৰি ৰখা হৈছে,সকলকো মুকলি কৰিব দিব লাগে বুলি দাবী উত্থাপন কৰে প্ৰাক্তন মুখ্যমন্ত্ৰী মেহবুবা মুফ্টীয়ে ।
লগতে পঢ়ক:কৃষি আইন:কৃষি আইন: কেন্দ্ৰৰ সৈতে বৈঠকত মিলিত হ'ব 29 কৃষক সংগঠন
