লক ডাউন অৱজ্ঞা কৰি বিদেশী পৰ্যটকে 500 বাৰ লিখিলে "I AM SORRY"

ঋষিকেশত লক ডাউন অৱজ্ঞা কৰা বিদেশীক প্ৰদান কৰা হৈছে বিশেষ শাস্তি ৷ দেশজুৰি চলি থকা লক ডাউন অৱজ্ঞা কৰাৰ বাবে তপোবন আৰক্ষীয়ে 10 জনতকৈও অধিক বিদেশী পৰ্যটকক 500 বাৰ লিখিবলৈ দিলে "I AM SORRY" ৷

নিউজ ডেস্ক,12 এপ্ৰিলঃ ঋষিকেশত গংগাৰ উপকূল অঞ্চলত ঘূৰি ফুৰা অৱস্থাত আৰক্ষীয়ে আটক কৰে 10 গৰাকীকৈ অধিক বিদেশী পৰ্যটকক ৷ তপোবন আৰক্ষীয়ে এই আটাইকেইজনে লক ডাউন অৱজ্ঞা কৰাৰ বাবে প্ৰদান কৰে বিশেষ শাস্তি ৷ আৰক্ষীয়ে তেওঁলোকৰ দ্বাৰা 500 বাৰে লিখালে "I AM SORRY" ৷

পৰ্যটকসকলক সোধা হৈছিল তেওঁলোকে এই লক ডাউনৰ বিষয়ে জানে নে নাজানে ৷ তেওঁলোকক শাস্তি হিচাপে প্ৰত্যেকগৰাকীকে কাগজত 500 বাৰকৈ লিখিবলৈ দিলে, " মই লক ডাউন পালন কৰা নাই ৷ মোৰ ভুল হৈছে ৷ "

উত্তৰাখণ্ড চৰকাৰে যদিও প্ৰয়োজনীয় সামগ্ৰী ক্ৰয় কৰাৰ বাবে ৰাতিপুৱা 7 বজাৰ পৰা দুপৰীয়া 1 বজালৈ কিছু পৰিমাণে লক ডাউন শিথিল কৰিছে কিন্তু বিনা কাৰণত ঘূৰিবৰ বাবে কাকোৱে অনুমতি দিয়া নাই ৷ এইখিনিতে মন কৰিবলগীয়া যে, ঋষিকেশ হৈছে বিদেশী পৰ্যটকৰ এক জনপ্ৰিয় স্থান ৷ লক ডাউনৰ পিছত ফ্ৰাঞ্চ, ইটালী আৰু আমেৰিকাৰ দূতাবাসে ইতিমধ্যে বহু কেইজন নাগৰিকক উভতাই নিছে ৷

লগতে পঢ়কঃতালিবানে মুকলি কৰিলে 20 বন্দী