নিউজ ডেস্ক, 7 অক্টোবৰ :অৰুণাচল প্ৰদেশত এনএছচিএন (আই এম) আৰু আলফা স্বাধীনৰ আক্ৰমণত শ্বহীদ হোৱা 19 আছাম ৰাইফলছৰ চুবেদাৰ নায়ক বীৰেন্দ্ৰ সিং যাদৱৰ পাৰ্থৱ শৰীৰ নিজ গাঁৱত উপস্থিত হয় ৷ গাঁওবাসীয়ে অশ্ৰুসিক্ত নয়নেৰে বীৰ শ্বহীদগৰাকীক শেষ বিদায় দিয়ে ৷
জিলা সদৰৰ পৰা 16 কিলোমিটাৰ দুৰত অৱস্থিত নানামাউ গাঁৱৰ বাসিন্দা বীৰেন্দ্ৰ সিং যাদৱে 1985 চনত আছাম ৰাইফলছত ভৰ্তি হৈছিল আৰু 35 বছৰে দেশৰ সেৱা কৰি আহিছিল ৷ চলিত মাহৰ 20 তাৰিখে ছুটী লৈ ঘৰলৈ অহাৰ কথা আছিল যদিও অৱশেষত দেশবিৰোধী শক্তিৰে যুঁজি শ্বহীদ হৈ ঘৰলৈ উভটি আহে ৷
অৰুণাচলত শ্বহীদ হোৱা বীৰেন্দ্ৰ সিঙৰ শেষকৃত্য