নিউজ ডেস্ক, ১১ মে' :কেন্দ্ৰীয় মন্ত্ৰী নীতিন গাডকাৰীয়ে সোমবাৰে কয় যে, আগন্তুক দুই-তিনিদিনৰ ভিতৰত তেওঁ কেন্দ্ৰৰ পৰা বৰ্তমানৰ পৰিস্থিতিৰ সৈতে মোকাবিলা কৰিবলৈ এক সাহাৰ্য পূঁজি আশা কৰিছে । ৰিজাৰ্ভ বেংকে ঋণৰ ক্ষেত্ৰত তিনিমাহৰ সময় প্ৰদান কৰাৰ সময়তে গাডকাৰীয়ে এই সাহাৰ্য পূঁজিৰ বিষয়ে উল্লেখ কৰে ।
কেন্দ্ৰীয় পথ পৰিৱহণ আৰু ৰাষ্ট্ৰীয় ঘাইপথ মন্ত্ৰীগৰাকীয়ে কয় যে, চৰকাৰে উদ্যোগৰ সৈতে ঠিয় দিছে কিন্তু উদ্যোগবোৰে চৰকাৰৰ সীমাৱদ্ধতা বুজি পোৱা উচিত । চৰকাৰে যিমান সম্ভৱ পাৰি সিমান কাম কৰি আছে । জাপান আৰু আমেৰিকাই পূঁজি ঘোষণা কৰাটো, ভাৰতৰ তুলনাত তেওঁলোকৰ বৃহৎ অৰ্থনীতিৰ বাবে সম্ভৱ হৈছে ।