নেশ্যনেল ডেস্ক, 15 এপ্ৰিল : লকডাউনৰ সকলোবোৰ নিৰ্দেশনা কঠোৰভাৱে জাৰি কৰিবলৈ সকলোবোৰ ৰাজ্য আৰু কেন্দ্ৰীয় শাসিত অঞ্চলক নিৰ্দেশ প্ৰদান কৰিছে কেন্দ্ৰীয় গৃহ মন্ত্ৰণালয়ে ৷ COVID-19 প্ৰতিৰোধৰ বাবে ঘোষণা কৰা এই নিৰ্দেশনা মানি চলিবলৈ অপাৰগ হ'লে 20 এপ্ৰিলত ঘোষণা কৰিবলগা শিথিলতাতো ইয়াৰ প্ৰভাৱ পৰিব বুলি সকীয়াই দিয়ে গৃহ মন্ত্ৰণালয়ে ৷
প্ৰধানমন্ত্ৰী মোডীয়ে ৰাষ্ট্ৰজোৰা লকডাউনৰ সময়সীমা 3 মে'লৈ বৃদ্ধি কৰাৰ এদিন পাচতে বুধবাৰে গৃহ মন্ত্ৰণালয়ে এই নিৰ্দেশনা জাৰি কৰে ৷
কেন্দ্ৰীয় গৃহ সচিব অজয় ভল্লাই সকলো ৰাজ্যৰে মুখ্য সচিব আৰু কেন্দ্ৰীয় শাসিত অঞ্চলৰ প্ৰশাসনলৈ এক পত্ৰ প্ৰেৰণ কৰি সংশোধিত নিৰ্দেশাৱলীৰ কঠোৰভাৱে কাৰ্যকৰী কৰিবলৈ নিৰ্দেশ দিয়ে ৷