নিউজ ডেস্ক, 1 জুন :প্ৰখ্যাত সংগীত শিল্পী ওৱাজিদ খানৰ দেহাৱসান ৷ দেওবাৰে নিশা মুম্বাইৰ এখন চিকিৎসালয়ত মৃত্যুক আঁকোৱালি লয় শিল্পীগৰাকীয়ে ৷ বলিউডৰ বিখ্যাত সংগীত যুটি চাজিদ-ওৱাজিদৰ এজন আছিল ওৱাজিদ খান ৷ জানিব পৰা মতে, বৃক্ক ৰোগত আক্ৰান্ত হৈ আছিল 42 বছৰীয়া শিল্পীগৰাকী ৷
শিল্পী চনু নিগমে পোন প্ৰথমে ফেচবুক যোগে ওৱাজিদৰ মৃত্যুৰ কথা প্ৰকাশ কৰে ৷ তাৰ পাচতেই বি-টাউনৰ বহুকেইগৰাকী তাৰকাই সংগীত শিল্পীগৰাকীৰ মৃত্যুত শোক প্ৰকাশ কৰে চ'ছিয়েল মিডিয়াৰ জৰিয়তে ৷