নেশ্যনেল ডেস্ক, ১৪ জুন: পশ্চিম বংগত হাতীৰ উপদ্ৰৱ । খাদ্যৰ সন্ধানত ওলাই অহা ২৩ টা হাতীৰ এটা দলে বাংকুৰা জিলাত প্ৰৱেশ কৰি কেইবাঘৰো মানুহৰ ঘৰ লণ্ড-ভণ্ড কৰে । বিগত দুদিনৰ পৰা হাতীৰ এই তাণ্ডৱ অব্যাহত আছে বুলি জানিব পৰা গৈছে ।
জিলাখনৰ বেলিয়াতোৰ এলেকাত সংঘটিত হোৱা এই ঘটনা সন্দৰ্ভত বন বিভাগে জানিবলৈ দিয়ে যে, ২৩ টা হাতী প্ৰৱেশ কৰা বুলি খবৰ পোৱাৰ পিছত এতিয়া জংঘলৰ আশে-পাশে শিবিৰ স্থাপন কৰা হৈছে । পৃথকে তিনিটা হাতীয়ে বাৰবেন্দিয়া গাঁৱৰ এঘৰ মানুহৰ ঘৰত প্ৰৱেশ কৰি ঘৰ ভাঙি দিয়াৰ লগতে চাউল আৰু ঘেহু খাই লণ্ড-ভণ্ড কৰে ।