শিক্ষা শিতানত কি আছে বাজেটত ?

আজি সদনত উত্থাপিত হৈছে পূৰ্ণাংগ বাজেট ৷ দেশৰ বিত্তমন্ত্ৰী নিৰ্মলা সীতাৰমণে প্ৰকাশ কৰিছে এই বৰ্ষৰ বিত্তীয় বাজেট ৷ এইবাৰৰ বাজেটত ভাৰত চৰকাৰে নতুন শিক্ষানীতিৰ প্ৰৱৰ্তন কৰিছে ৷ যিটো বিশ্বৰ ভিতৰত এক সবৰ্শ্ৰেষ্ঠ শিক্ষানীতি হ’ব বুলি কয় বিত্তমন্ত্ৰীয়ে ৷

নিউজ ডেস্ক, 5 জুলাইঃদেশৰ বিত্তমন্ত্ৰী নিৰ্মলা সীতাৰমণে আজি সদনত উত্থাপিত কৰিলে পূৰ্ণাংগ বাজেট ৷ বাজেটত নিৰ্মলা সীতাৰমণে উল্লেখ কৰে,মোডী চৰকাৰৰ লক্ষ্য হৈছে শক্তিশালী দেশ আৰু শক্তিশালী নাগৰিক তৈয়াৰ কৰা ৷ ইয়াৰ লগতে শিক্ষাৰ ক্ষেত্ৰত নিৰ্মলা সীতাৰমণে উল্লেখ কৰে-

• নতুন শিক্ষানীতি নীতি প্ৰৱৰ্তন কৰা হৈছে ৷ যিটো বিশ্বৰ ভিতৰত সৰ্বশ্ৰেষ্ঠ শিক্ষা নীতি হ’ব দেশত ৷
• শিক্ষাৰ ক্ষেত্ৰত ভাৰতক হাব হিচাপে তৈয়াৰ কৰাৰ উদ্দেশ্যে ষ্টাডী ইন ইণ্ডিয়া আঁচনি প্ৰৱৰ্তন কৰা হৈছে ৷ যাৰ জৰিয়তে কিছুমান শিক্ষাখণ্ডক অধিক ক্ষমতা দিয়া হ’ব ৷
• বিদেশৰ ছাত্ৰ-ছাত্ৰীয়ে ভাৰতত আহি অধ্যয়ন কৰিব পৰাকৈ ষ্টাডী ইন ইণ্ডিয়াৰ ওপৰত কাম কৰা হ’ব ৷
• উচ্চ শিক্ষাৰ ক্ষেত্ৰত এক বিশেষ আইন প্ৰণয়ন কৰা হৈছে ৷ যাৰ বাবে 400 কোটি টকা খৰচ কৰা হ’ব ৷
• ৰাষ্ট্ৰীয় গৱেষণা প্ৰতিষ্ঠান (NRF)প্ৰতিষ্ঠা কৰা হ’ব ৷