প্ৰাক্তন মন্ত্ৰী প্ৰফুল পেটেললৈ ইডিৰ চমন

নেচনেলিষ্ট কংগ্ৰেছ পাৰ্টীৰ জ্যেষ্ঠ নেতা তথা প্ৰাক্তন অসামৰিক বিমান পৰিবহণ মন্ত্ৰী প্ৰফুল পেটেললৈ ইতিমধ্যে চমন জাৰী কৰিছে এনফৰ্চমেণ্ট ডিৰেক্টৰেট চমুকৈ ইডিয়ে ৷

নিউজ ডেস্ক, 1জুনঃ বহুচৰ্চিত বিমানসেৱা প্ৰদানকাৰী সংস্থাৰ আসন আৱন্টন গোচৰত সাঙোৰ খাই পৰিছে এগৰাকী প্ৰাক্তন কেন্দ্ৰীয় মন্ত্ৰীৰ নাম ৷ নেচনেলিষ্ট কংগ্ৰেছ পাৰ্টীৰ জ্যেষ্ঠ নেতা তথা প্ৰাক্তন অসামৰিক বিমান পৰিবহণ মন্ত্ৰী প্ৰফুল পেটেললৈ ইতিমধ্যে চমন জাৰী কৰিছে এনফৰ্চমেণ্ট ডিৰেক্টৰেট চমুকৈ ইডিয়ে ৷

অধিক পঢ়কঃ মানসিক ভাৰসাম্য হেৰুৱাই পেলাইছে মমতাই: দিলীপ ঘোষ

শনিবাৰে নেতাগৰাকীলৈ চমন জাৰী কৰিছে ইডিয়ে ৷ সেই অনুসৰি অহা 6 জুনত সংস্থাটোৰ আগত হাজিৰ হ'বলৈ নিৰ্দেশনা প্ৰেৰণ কৰা হৈছে প্ৰাক্তন মন্ত্ৰীগৰাকীক ৷

উল্লেখ্য যে বিগত মাৰ্চ মাহৰ 30 তাৰিখে ইডিয়ে বিশিষ্ট উদ্যোগী দীপক টালৱাৰৰ বিৰুদ্ধে অভিযোগনামা দাখিল কৰিছিল ৷ এই অভিযোগনামাতে প্ৰাক্তন মন্ত্ৰীগৰাকীৰ নাম সাঙোৰ খাই পৰাত ইডিৰ আগত হাজিৰ হ'বলৈ নিৰ্দেশনা প্ৰেৰণ কৰা হৈছে ৷