নিউজ ডেস্ক,21 অক্টোবৰ : ৰাজধানী দিল্লীত বিগত 11 বছৰৰ আটাইতকৈ ঠাণ্ডা দিনৰ ৰেকৰ্ড ভংগ ৷ 20 অক্টোবৰত ন্যূনতম উঞ্চতা 13.7 ডিগ্ৰী ছেলছিয়াছ হয়,যিটো সামান্য ৰূপতকৈ 4 ডিগ্ৰী ছেলছিয়াছ কম ৷
বতৰ বিজ্ঞান বিভাগে উল্লেখ কৰা মতে,সাধাৰণতে অক্টোবৰ মাহত উঞ্চতাৰ পৰিমাণ ইমান কম নহয় ৷ ইয়াৰ লগে লগে দিল্লীত নিৰ্ধাৰিত সময়তকৈ আগতেই ঠাণ্ডা পৰা পৰিসক্ষিত হৈছে ৷
উল্লেখ্য যে,2009 বৰ্ষত ৰাজধানীত নূন্যতম উঞ্চতা আছিল 13.4 ডিগ্ৰী ছেলছিয়াছ ৷ চলিত বৰ্ষতো সামান্য ৰূপত 15-16 ডিগ্ৰী ছেলছিয়াছ থকাৰ সম্ভাৱনা কৰা হৈছিল ৷
আনহাতে ৰাজধানী দিল্লীত প্ৰদূষণৰ মাত্ৰা অধিক হোৱাৰ আশংকা প্ৰকাশ কৰিছে বতৰ বিজ্ঞান বিভাগে ৷ বতাহৰ গতি কম হোৱা হেতুকে প্ৰদূষণৰ মাত্ৰা বৃদ্ধি হ’ব পাৰে ৷
লগতে পঢ়ক :ভাৰতত ৭৬ লাখ স্পৰ্শ কৰিলে কৰ'ণা আক্ৰান্তৰ সংখ্যাই