নেশ্যনেল ডেস্ক, ২৬ জুন : উত্তৰ প্ৰদেশৰ বাঘপত আৰক্ষীয়ে বৃহস্পতিবাৰে দিল্লীৰ নিজ স্বামীক হত্যা কৰাৰ অভিযোগত এগৰাকী মহিলাক গ্ৰেপ্তাৰ কৰে । আৰক্ষীয়ে সদৰী কৰা মতে, মহিলাগৰাকীয়ে মৃত স্বামী বিকাশ সিঙৰ অন্য ৩ গৰাকী পত্নীৰ সৈতে সম্পত্তিৰ ভাগ-বতৰা কৰিব বিচৰা নাছিল । অভিযুক্ত মহিলাগৰাকী প্ৰথমগৰাকী পত্নী বুলি জানিব পৰা গৈছে ।
বাঘপত থানাৰ আৰক্ষী অধীক্ষক অজয় কুমাৰ সিঙে সদৰী কৰা মতে, ‘’ৰজনী নামৰ মহিলাগৰাকীয়ে স্বামীক হত্যা কৰিবলৈ কণ্ট্ৰেক্ট কীলাৰ সুধীৰ সিঙক ৬ লাখ টকা দিছিল । সুধীৰে এই কামৰ বাবে অন্য ৩ জন স্থানীয় যুৱককো নিয়োগ কৰিছিল । মহিলাগৰাকীৰ স্বামীৰ হত্যাকাণ্ডৰ সৈতে জড়িত সুধীৰ আৰু ৰোহিত সিং সহ ৩ হত্যাকাৰীক গ্ৰেপ্তাৰ কৰা হয় । আনহাতে, হত্যাকাৰী শচীন সিং আৰু ৰবি সিং বৰ্তমানো পলাতক অৱস্থাত আছে ।''