জামিয়াত সংঘটিত অগ্নিকাণ্ডত নিহতৰ সংখ্যা ছজনলৈ বৃদ্ধি

নিশা প্ৰায় 2:30 বজাত সংঘটিত হোৱা ভয়ংকৰ অগ্নিকাণ্ডত বৰ্তমানলৈ 6গৰাকী লোকৰ মৃত্যু হৈছে ৷ দক্ষিন দিল্লীৰ জামিয়ানগৰৰ চাৰিমহলীয়া অট্টালিকাত সংঘটিত হয় ভয়ংকৰ অগ্নিকাণ্ডটো ৷

নিউজ ডেস্ক, 6 আগষ্টঃ বিগত নিশা দক্ষিন দিল্লীৰ জামিয়া আৰক্ষী থানাৰ অন্তৰ্গত জামিয়া নগৰত সংঘটিত হয় এক ভয়ংকৰ অগ্নিকাণ্ডৰ ঘটনা ৷ চাৰিমহলীয়া এটি অট্টালিকাত বৈদ্যুতিক বিজুতিৰ বাবে সংঘটিত হোৱা অগ্নিকাণ্ডটোত মুঠ 11 গৰাকী লোক আহত হোৱাৰ বিপৰীতে নিহত হয় 6জনকৈ লোক ৷

নিশা শুই থকা অৱস্থাত অগ্নিকাণ্ডটো সংঘটিত হোৱাৰ বাবেই পৰিস্থিতি অধিক জটিল হৈ পৰে বুলি উদ্ধাৰকাৰী বাহিনীয়ে প্ৰকাশ কৰিছে ৷ নিহতসকলৰ ভিতৰত দুইগৰাকী শিশু আৰু দুইগৰাকী মহিলাকে ধৰি দুইগৰাকী পুৰুষ আছে বুলি প্ৰকাশ কৰিছে দিল্লী আৰক্ষীয়ে ৷ আনহাতে গুৰুতৰভাৱে আহত হোৱা লোকসকলক স্থানীয় চিকিৎসালয়ত ভৰ্তি কৰোৱা হৈছে ৷ আহতসকলৰ ভিতৰত এগৰাকী শিশুৰ অৱস্থা অধিক সংকটজনক বুলি জানিব পৰা গৈছে ৷