দিল্লীৰ দুৰ্যোগ প্ৰশমন বিভাগৰ এজন কৰ্মচাৰী কোভিড পজিটিভ

ৰাজধানী চহৰ দিল্লীত কোভিড-19 প্ৰতিৰোধৰ বাবে দায়িত্ব অৰ্পন কৰা দুৰ্যোগ প্ৰশমন বিভাগৰ এজন কৰ্মচাৰী আক্ৰান্ত হৈছে কৰ'ণাত । সম্প্ৰতি ৰোগীজনৰ সংস্পৰ্শত অহা লোক সন্দৰ্ভত তদন্ত অব্যাহত ৰখা হৈছে ।

নিউজ ডেস্ক, ৭ জুনঃনতুন দিল্লীত কোভিড-19ত আক্ৰান্ত হৈছে দুৰ্যোগ প্ৰশমন বিভাগৰ এগৰাকী কৰ্মচাৰী । ৰাজধানী চহৰখনত কোভিড-19 প্ৰতিৰোধৰ বাবে যিটো বিভাগক এই দায়িত্ব অৰ্পন কৰা হৈছিল, সেই বিভাগৰে এজন ব্যক্তিৰ দেহত ধৰা পৰিছে কোভিড-19ৰ উপস্থিতি ।

জানিব পৰা মতে, দিল্লী দুৰ্যোগ প্ৰশমন বিভাগৰ যিজন কৰ্মচাৰীৰ কৰ'ণা পজিটিভ পোৱা গৈছে তেখেতে কিছুদিন পূৰ্বে তেখেতৰ জন্মদিন পালন কৰিছিল । তেওঁৰ জন্মদিনৰ পাৰ্টীৰ উপস্থিত আছিল কেইবাগৰাকী লোক । ইতিমধ্যে কৰ্মচাৰীজনৰ সম্পৰ্কত অহা লোকসকলৰ সন্দৰ্ভত বিভাগীয় কৰ্তৃপক্ষই অনুসন্ধান আৰম্ভ কৰিছে ।