বিজেপি সাংসদ গম্ভীৰৰ পিতৃৰ বাহন চুৰি

দীপক গম্ভীৰৰ বগা ৰঙৰ টয়'টা ফৰচুন চুৰি হৈছে তেওঁৰ বাসগৃহৰ সন্মুখৰ পৰা ৷ CCTV ফুটেজৰ জৰিয়তে আৰক্ষীয়ে তদন্ত অব্যাহত ৰাখিছে ৷

নেশ্যনেল ডেস্ক, 29 মে': দিল্লীৰ বিজেপি সাংসদ তথা প্ৰাক্তন ক্ৰিকেটাৰ গৌতম গম্ভীৰৰ পিতৃৰ SUV বাহন চুৰি ৷ দিল্লীৰ ৰাজিন্দৰ নগৰস্থিত তেওঁলোকৰ ঘৰৰ পৰা বাহনখন চুৰি কৰা বুলি আৰক্ষীয়ে জানিবলৈ দিয়ে ৷

গৌতম গম্ভীৰৰ পিতৃ দীপক গম্ভীৰৰ বাহনখন শুকুৰবাৰে দোকমোকালিতে চুৰি হয় ৷ সমগ্ৰ ঘটনাৰ চিচিটিভি ফুটেজ পৰিদৰ্শন কৰি আৰক্ষীয়ে ঘটনাৰ তদন্ত চলাই আছে ৷

এই সম্পৰ্কত DCP সঞ্জয় ভাটিয়াই কয়, "কালি দুপৰীয়া 3.30 বজাত গাড়ীখন ঘৰৰ সন্মুখত আছিল কিন্তু শুকুৰবাৰে পুৱাৰ ভাগত চুৰ কৰা হয় ৷ ঘটনা সম্পৰ্কত এক গোচৰ ৰুজু কৰা হৈছে ৷ আমাৰ হাতত CCTV ফুটেজ আছে আৰু এই সম্পৰ্কত তদন্ত অব্যাহত আছে ৷"