নিউজ ডেস্ক, 17 ডিচেম্বৰ: প্ৰধানমন্ত্ৰী নৰেন্দ্ৰ মোদীৰ নিৰ্দেশত কেন্দ্ৰীয় চৰকাৰে সমগ্ৰ দেশকে পলিথিন মুক্ত কৰিবলৈ এক বিশেষ অভিযানৰ সূচনা কৰে ৷ এই অভিযান অনুসৰি নাগৰিকৰ মাজত পলিথিন ব্যৱহাৰৰ ভয়াৱহতা সম্পৰ্কে সচেতনতা প্ৰচাৰ কৰা হৈছে ৷
চিৰমৌৰ (হিমাচল প্ৰদেশ):এহাতে পাহাৰীয়া ৰাজ্য হিমাচল প্ৰদেশৰ লোক সকল উদ্বিগ্ন পলিথিন ব্যৱহাৰৰ ভয়াৱহতাক লৈ,আনফালে বহু প্ৰতিষ্ঠান আগবাঢ়ি আহিছে পলিথিনৰ পৰা মুক্তি দিয়াবলৈ ৷ এনে এক প্ৰয়াস চিৰমৌৰ জিলাৰ লানাভাল্টা পঞ্চায়তৰ অন্তৰ্গত বাৰু চাহিবতো কৰা হৈছে ৷ বাৰু চাহিবত কলগীধৰ ট্ৰাষ্টে কাষৰীয়া সকলো পঞ্চায়তৰ পৰা প্লাষ্টিকৰ জাবৰ গোটাবৰ বাবে বাহনৰ ব্যৱস্থা কৰিছে ৷
এই বাহনবোৰে সেই পেলনীয়া প্লাষ্টিকবোৰ আনি জাবৰবোৰ প্ৰথমে একাষৰীয়া কৰে ৷ তাৰ পিচত সেইবোৰ গলোৱা হয় ইটা আৰু টাইল্চ বনাবলৈ ৷ যিবোৰ পঞ্চায়তবোৰৰ ভিতৰত হোৱা বহুতো নিৰ্মাণ কাৰ্যত ব্যৱহাৰ কৰা হয় ৷ ইয়াৰোপৰি অন্য পেলনীয়া সামগ্ৰী সমূহেৰে কাগজৰ বেগ,ফাইল ক'ভাৰ আদিৰ দৰে সামগ্ৰী নিৰ্মাণ কৰে ৷ প্লাষ্টিকৰ বটলবোৰেৰে পলী ইটা আৰু ফুলদানিও নিৰ্মাণ কৰা হয় ৷