আহি আছে ফেনী! দক্ষিণ ভাৰতত সতৰ্কতা জাৰী

ক্ৰমে শক্তিশালী হৈ উঠিছে ফেনী। ইতিমধ্যে তামিলনাডু, অন্ধ্ৰপ্ৰদেশ, কেৰালাত বতৰ বিজ্ঞান বিভাগে জাৰী কৰিছে সতৰ্কতা।

অমৰাৱতী,২৮ এপ্ৰিলঃ আহি আছে ঘূৰ্ণীবতাহ ফেনী। দক্ষিণ বংগোপ সাগৰত সৃষ্টি হোৱা নিম্নচাপৰ ফলত সৃষ্টি হৈছে এই ঘূৰ্ণীবতাহ ফনী। ভাৰতৰ বতৰ বিজ্ঞান বিভাগে দিয়া পূৰ্বাভাস অনুসৰি ঘণ্টাত ১৬ কিলোমিটাৰ বেগেৰে উত্তৰ-পশ্চিম দিশে ধাৱমান হৈছে ফেনী। ইয়াৰ পিচতে ৩০ এপ্ৰিলত পাছত গতিপথ সলাই উত্তৰ-পূৱ দিসে অগ্ৰসৰ হ'ব এইজাক ঘূৰ্ণীবতাহ।

বতৰ বিজ্ঞান বিভাগে এক টুইটযোগে জনায় যে ফেনীৰ উৎপত্তি চেন্নাইৰ পৰা ১,০৫০ কিলোমিটাৰ দক্ষিণ-পূৱ আৰু অন্ধ্ৰপ্ৰদেশৰ মছিলিপটনামৰ পৰা ১,২৩০ কিলোমিটাৰ দক্ষিণ-পূৱৰ মাজ এলেকাত।

আগন্তুক ২ দিনত ভাৰত মহাসাগৰৰ দক্ষিণ পশ্চিম বংগোপসাগৰত ঘণ্টাত প্ৰায় ১৪৫ কি.মি বেগেৰে বতাহ বলাৰ সম্ভাৱনা আছে।