ভাৰত-বাংলাদেশৰ প্ৰাকৃতিক দুৰ্যোগত ক্ষতিগ্ৰস্থ লোকক সহায় কৰিব গ্ৰেটা থানবাৰ্গে

ভাৰত আৰু বাংলাদেশৰ বানপীড়িত ৰাইজক সহায়ৰ হাত আগবঢ়াইছে জলবায়ু কৰ্মী Greta Thunberg য়ে ৷ শেহতীয়াকৈ টুইটযোগে এই কথা প্ৰকাশ কৰিছে কৰ্মী গৰাকীয়ে ৷

নিউজ ডেস্ক, 4 আগষ্ট :ক'ভিড-19 ৰ সমান্তৰালভাবে বানপানীয়ে ত্ৰাসৰ সৃষ্টি কৰিছে ৰাজ্যত ৷ একমাত্ৰ বানপানীয়ে নহয় সময়ে সময়ে বিভিন্ন ধৰণৰ জলবায়ু পৰিৱৰ্তনে সৃষ্টি কৰা প্ৰাকৃতিক দুৰ্যোগে প্ৰভাৱিত কৰি আহিছে অসম, উত্তৰ-পূৰ্বাঞ্চল তথা চুবুৰীয়া ৰাষ্ট্ৰ বাংলাদেশক ৷

শেহতীয়াকৈ, ভাৰত তথা বাংলাদেশৰ জলবায়ু পৰিৱৰ্তনে সৃষ্টি কৰা প্ৰাকৃতিক দুৰ্যোগত ক্ষতিগ্ৰস্থ হোৱা লোকক সহায়ৰ হাত আগবঢ়াইছে Greta Thunberg নামৰ জলবায়ু কৰ্মী গৰাকীয়ে ৷ শেহতীয়াকৈ টুইটযোগে এই কথা প্ৰকাশ কৰিছে Greta Thunberg য়ে ৷ দুয়োখন ৰাষ্ট্ৰৰ বানপীড়িত লোকক সহায়ৰ বাবে BRAC, Goojn, Action নামৰ সংগঠন কেইটাক এই অনুদান প্ৰদান কৰিবলৈ অনুমতি প্ৰদান কৰিছে জলবায়ু কৰ্মী গৰাকীয়ে ৷ দুয়োখন ৰাষ্ট্ৰক জলবায়ু কৰ্মী Greta Thunberg য়ে 88,25,000 লাখ টকাৰ অনুদান আগবঢ়াইছে ৷

উল্লেখ্য যে, সমগ্ৰ বিশ্বজুৰি ক'ভিড-19 ৰ ত্ৰাস অব্যাহত থকাৰ মাজতে বানপানীয়ে অসমৰ লগতে চুবুৰীয়া ৰাষ্ট্ৰ বাংলাদেশকো প্ৰভাৱিত কৰিছে ৷ বৰ্তমানলৈ অসমত বানপানীত মৃত্যু হোৱা লোকৰ সংখ্যা 110 গৰাকীলৈ বৃদ্ধি হৈছে ৷ যাৰবাবে কম বয়সীয়া জলবায়ু কৰ্মী গৰাকীয়ে এই অনুদান আগবঢ়াইছে ৰাষ্ট্ৰ দুখনলৈ ৷ আনহাতে, সময়ে সময়ে জলবায়ু কৰ্মী Greta Thunberg য়ে বিশ্বৰ বিভিন্ন ৰাষ্ট্ৰক সহায়ৰ হাত আগবঢ়াই অহা পৰিলক্ষিত হৈছে ৷

লগতে পঢ়ক :চিকিৎসাৰ অভাৱত ৰোগীৰ মৃত্যুকলৈ যোৰহাটত প্ৰতিবাদ