নিউজ ডেস্ক, ২৬ জুনঃ বিগত ২৪ ঘণ্টাত দেশত সৰ্বাধিক ১৭,২৯৬ গৰাকী লোকৰ দেহত ধৰা পৰিছে কোভিড-১৯ৰ উপস্থিতি। এইপৰ্যন্ত দেশজুৰি ৪,৯০,৪০১ গৰাকীলৈ বৃদ্ধি পাইছে কোভিড-১৯ আক্ৰান্ত লোকৰ সংখ্যা । কেন্দ্ৰীয় স্বাস্থ্য আৰু পৰিয়াল কল্যাণ মন্ত্ৰণালয়ে প্ৰকাশ কৰে এই তথ্য ।
স্বাস্থ্য মন্ত্ৰণালয়ৰ তথ্য অনুসৰি বিগত ২৪ ঘণ্টাত এই মহামাৰীৰ ফলত মৃত্যুমুখত পৰিছে ৪০৭ গৰাকী ৰোগী। বৰ্তমান ভাৰতত কোভিড-১৯ৰ ফলত মৃত্যু হোৱা লোকৰ সংখ্যা ১৫,৩০১ গৰাকীলৈ বৃদ্ধি হৈছে। আনহাতে, দেশত কোভিড আক্ৰান্ত ৪,৯০,৪০১ গৰাকী লোকৰ ভিতৰত ১,৮৯,৪৬৩ গৰাকী ৰোগী চিকিত্সাধীন অৱস্থাত থকাৰ বিপৰীতে আৰোগ্য লাভ কৰিছে ২,৮৫,৬৩৭ গৰাকীয়ে।
ভাৰতীয় স্বাস্থ্য গৱেষণা সংস্থাই প্ৰকাশ কৰা তথ্য অনুসৰি ২৫ জুনলৈকে দেশত মুঠ ৭৭,৭৬,২২৮ গৰাকী লোকৰ কোভিড-১৯ ৰ নমুনা পৰীক্ষা কৰা হৈছে। বৃহস্পতিবাৰৰ দিনটোতে ২,১৫,৪৪৬ গৰাকী লোকৰ নমুনা পৰীক্ষা সম্ভৱ হৈ উঠিছে।