নিউজ ডেস্ক, ২৬ এপ্ৰিলঃ চীনৰ ছাংঘাইৰ পৰা মেডিকেল সাহাৰ্য সামগ্ৰী লৈ ভাৰতত উপস্থিত হয় স্পাইচজেটৰ এখন বিমান । স্পাইচজেটৰ ফ্ৰেইটাৰ SG 7017 বিমানখনে ১৮ টন মেডিকেল আৰু জৰুৰীকালীন সাহাৰ্য সামগ্ৰী লৈ নতুন দিল্লীৰ ইন্দিৰা গান্ধী আন্তঃৰাষ্ট্ৰীয় বিমানবন্দৰত উপস্থিত হয় ।
চীনৰ পৰা মেডিকেল সামগ্ৰী লৈ দিল্লীত উপস্থিত স্পাইচজেটৰ বিমান
উল্লেখ্য যে,স্পাইচজেট হৈছে ভাৰতৰ প্ৰথম কাৰ্গো-অন-ছীট বিমান পৰিবহনকাৰী সংস্থা যিয়ে, ৭ এপ্ৰিলত চীনলৈ উৰা মাৰিছিল । বিমান পৰিবহনকাৰী সংস্থাটোৱে ইয়াৰ B737 আৰু Q400 যাত্ৰীবাহী বিমান দুখন কাৰ্গো সেৱাত ব্যৱহাৰ কৰিছে আৰু লক ডাউন আৰম্ভ হোৱাৰ পিচৰে পৰা বৰ্তমানলৈ ৫২২ বাৰ উৰণ সম্পন্ন কৰি ৩,৯৯৩ টন সাহাৰ্য সামগ্ৰী সৰবৰাহ কৰিছে ।