নেশ্যনেল ডেস্ক, 13 ছেপ্তেম্বৰ: সংসদীয় পৰিক্ৰমা মন্ত্ৰী প্ৰহ্লাদ যোশীয়ে জনায় যে, COVID-19 মহামাৰীৰ প্ৰাদুৰ্ভাৱৰ বাবে এইবেলি সংসদৰ বৰ্ষাকালিন অধেৱেশনৰ পূৰ্বে অনুষ্ঠিত নহয় সৰ্বদলীয় বৈঠক ৷
সাধাৰণতে ভিন্ন বিষয়ক আলোচনা আৰু লক্ষ্য নিৰ্ধাৰণৰ বাবে সংসদীয় অধিৱেশন অনুষ্ঠিত হোৱাৰ পূৰ্বে সৰ্বদলীয় বৈঠকৰ আয়োজন কৰা হয় ৷
অৱশ্যে ৰাজ্যসভাৰ ব্যৱসায়িক উপদেষ্টা কমিটিৰ এখন বৈঠক দেওবাৰে সংসদত অনুষ্ঠিত হোৱাৰ সম্ভাৱনা আছে ৷
উল্লেখ্য যে, সংসদৰ বৰ্ষাকালিন অধিৱেশন সোমবাৰৰ পৰা আৰম্ভ হ'ব আৰু অক্টোবৰৰ 1 তাৰিখে সমাপ্ত হোৱাৰ কথা আছে ৷ অধিৱেশনত নাথাকিব কোনো ধৰণৰ প্ৰশ্নকাল ৷
অধিৱেশনৰ পূৰ্বে সকলো কৰ্মকৰ্তাৰ লগতে, বিষয়া সকলে RT-PCR COVID-19 পৰীক্ষা কৰিব লাগিব ৷ COVID-19 সংক্ৰমণৰ প্ৰতি লক্ষ্য ৰাখি National Informatics Centre এ ডিজাইন কৰা এটা মোবাইল এপৰ মাধ্যমেৰে সাংসদ সকলৰ উপস্থিতি ৰেকৰ্ড কৰা হ'ব ৷
লগতে পঢ়ক:সংসদৰ বৰ্ষাকালীন অধিৱেশনৰ প্ৰথম কিছুদিন অনুপস্থিত থাকিব ছোনিয়া, ৰাহুল
