নিউজ ডেস্ক, ১২ মে': বিশ্বৰ লগতে ভাৰতবৰ্ষ এতিয়া কৰ'ণা ভাইৰাছত ত্ৰস্তমান । ভাৰতত দিনক-দিনে বৃদ্ধি পাইছে কৰ'ণা ভাইৰাছত আক্ৰান্ত আৰু মৃতকৰ সংখ্য়া । বৰ্তমানলৈকে ভাৰতবৰ্ষত আক্ৰান্তৰ সংখ্যা বৃদ্ধি পাই হৈছে ৭১,২৬৮ গৰাকী ।
ভাৰতৰ কৰ'ণা ভাইৰাছৰ শেহতীয়া অৱস্থিতি ! - মহাৰাষ্ট্ৰ সৰ্বাধিক প্ৰভাৱিত ৰাজ্য কৰ'ণাত
দেশত অব্যাহত আছে কৰ'ণা ভাইৰাছৰ বিভীষিকা । ভাৰতত বৰ্তমান ৭০ হাজাৰলৈ অতিক্ৰম কৰ'ণা আক্ৰান্তৰ সংখ্যা ।
COVID-19 India tracker: State-wise report
কেন্দ্ৰীয় স্বাস্থ্য মন্ত্ৰণালয়ৰ পৰা জাৰি কৰা তথ্য অনুসৰি পুৱা ৮ বজালৈ মুঠ আক্ৰান্তৰ সংখ্যা আছিল ৭০,৭৫৬ গৰাকী । আনহাতে মৃত্যু মুখত পৰিছিল ২,২৯৩ জন । কিন্তু ১২ বজালৈ এই পৰিসংখ্যাত বৃদ্ধি হোৱা দেখা পোৱা গৈছে । বৰ্তমানে ৭১,২৬৮ গৰাকী আক্ৰান্ত হোৱাৰ বিপৰীতে ২৩১০ গৰাকী লোকে প্ৰাণ হেৰুৱাইছে । আনহাতে বৰ্তমানো সক্ৰিয় হৈ আছে ৪৫,৯২৬ টা ঘটনা । ভাৰতত এতিয়া লৈ আৰোগ্য লাভ কৰিবলৈ সক্ষম হৈছে ২৩,০২৮ গৰাকী লোকে ।
ভাৰতৰ ভিতৰতেই সৰ্বাধিক প্ৰভাৱিত ৰাজ্যখন হৈছে মহাৰাষ্ট্ৰ । ৰাজ্যখনত ২৩,৪০১ গৰাকী লোক আক্ৰান্ত হোৱাৰ বিপৰীতে মৃত্যু হৈছে ৮৬৮ গৰাকী লোকৰ । ইয়াৰ পাচতেই দ্বিতীয় সৰ্বাধিক প্ৰভাৱিত ৰাজ্যখন হৈছে গুজৰাট । গুজৰাটত আক্ৰান্তৰ সংখ্য়া বৃদ্ধি পাই হৈছে ৮৫৪১ গৰাকী ।