পৰিবহণ আৰু বিতৰণৰ সঠিক সময় পৰ্যবেক্ষণৰ বাবে দিল্লীত স্থাপন নিৰীক্ষণ কক্ষ

উদ্যোগ আৰু আভ্যন্তৰীণ বাণিজ্য প্ৰচাৰ বিভাগ চমুকৈ DPIITৰ উল্লেখনীয় পদক্ষেপ ৷ লকডাউনৰ সময়ছোৱাত পৰিবহণ আৰু বিতৰণৰ ক্ষেত্ৰত কোনো সমস্য়াৰ সন্মুখীন হ'লে দাখিল কৰিব পাৰিব অভিযোগ ৷ দিল্লীত স্থাপন কৰা হ'ল নিৰীক্ষণ কক্ষ ৷

নিউজ ডেস্ক, 26 মাৰ্চঃ সমগ্ৰ ভাৰততে জাৰি কৰা লক ডাউনৰ সময়ছোৱাত অত্যাৱশ্যকীয় সামগ্ৰীৰ পৰিবহণ আৰু বিতৰণৰ কালছোৱাত সঠিক সময় পৰ্যবেক্ষণ কৰিবৰ বাবে উদ্যোগ আৰু আভ্যন্তৰীণ বাণিজ্য প্ৰচাৰ বিভাগ চমুকৈ DPIIT এ দিল্লীত স্থাপন কৰিছে নিৰীক্ষণ কক্ষ ৷

25 মাৰ্চৰ পৰা 14 এপ্ৰিললৈকে লক ডাউনৰ সময়ছোৱাত বিভিন্ন অংশীদাৰীসকলে সন্মুখীন হ'ব লগা সকলোবোৰ সমস্যা পৰ্যবেক্ষণ কৰা হ'ব এই নিৰীক্ষণ কক্ষৰ পৰা ৷

ইয়াৰ লগতে কোনো উৎপাদনকাৰী,পৰিবহণকাৰী,বিতৰক,পাইকাৰী আৰু ই-কমাৰ্চ কোম্পানীয়ে পৰিবহণ আৰু বিতৰণৰ ক্ষেত্ৰত লকডাউনৰ সময়ছোৱাত কোনো সমস্যাৰ সন্মুখীন হ'লে তেওঁলোকৰ অভিযোগসমূহ এই বিভাগৰ জৰিয়তে অৱগত কৰিব পাৰিব বুলিও উল্লেখ কৰে উদ্যোগ আৰু আভ্যন্তৰীণ বাণিজ্য প্ৰচাৰ বিভাগে ৷

কোনো সহায় নতুবা অভিযোগৰ বাবেControlroom-dpiit@gov.inআৰু 011-23062487 ৰ জৰিয়তে পুৱা 8 বজাৰ পৰা বিয়লি 6বজালৈ নিৰীক্ষণ কক্ষৰ সৈতে যোগাযোগ কৰিব পাৰিব বুলি জনায় DPIIT এ ৷

ইয়াৰ জৰিয়তে দাখিল হোৱা অভিযোগ নতুবা সমস্যা সমূহৰ বিষয়ে ৰাজ্য চৰকাৰ,জিলা প্ৰশাসন,পুলিচ প্ৰশাসনক অৱগত কৰাৰ উপৰিও এই সন্দৰ্ভত আলোচনা কৰা হব বুলি উল্লেখ কৰে DPIIT এ ৷

লগতে চাওকঃ কৰ’ণা আতংকৰ মাজতে গোলাঘাটত অন্ধবিশ্বাসৰ বলি একাংশ লোক