নিউজ ডেস্ক, 4 এপ্ৰিলঃ শুকুৰবাৰে বিশ্বৰ প্ৰায় 1 মিলিয়ন লোক কৰ‘ণা ভাইৰাছ সৃষ্ট কোভিড-19ৰ দ্বাৰা আক্ৰান্ত হৈ পৰে ৷ স্নায়ৱিক লক্ষণক শক্তিশালী কৰি তোলাৰ বাবে সমগ্ৰ বিশ্বতে এটা একক পৰীক্ষণ নীতি বিকাশ কৰি তোলাৰ ওপৰত অধিক গুৰুত্ব প্ৰদান কৰা দেখিবলৈ পোৱা গৈছে ৷ তথ্য অনুসৰি, স্বাস্থ্যখণ্ডৰ সৈতে জড়িত কোম্পানীসমূহে এইক্ষেত্ৰত অধিক সক্ৰিয় ভূমিকা পালন কৰাৰ লগতে চৰকাৰসমূহে মিলিয়নসংখ্যক লোকৰ ওপৰত ইয়াৰ পৰীক্ষণ কৰিবলৈ বিচাৰি আছে ৷
শেহতীয়াকৈ Euroimmun নামৰ এটা কোম্পানীয়ে ইউৰোপত তেওঁলোকৰ পৰীক্ষণ নীতি বিক্ৰী কৰিবলৈ প্ৰমাণপত্ৰ লাভ কৰিছে ৷ কোম্পানীটোৰ প্ৰডাক্ট মেনেজাৰ Konstanze Stibaই প্ৰকাশ কৰা অনুসৰি, বৰ্তমান সময়ত সকলোৱে এন্টিবডি পৰীক্ষণৰ ওপৰত অধীৰ আগ্ৰহেৰে বাট চাই আছে, বিশেষকৈ স্বাস্থ্যখণ্ডৰ সৈতে জড়িত থকা ব্যক্তিসকলে তেওঁলোক এই ভাইৰাছৰ দ্বাৰা আক্ৰান্ত হয় নে নহয় সেইক্ষেত্ৰত এই এন্টিবডি পৰীক্ষণ নীতি অধিক প্ৰয়োজনীয় হিচাপে বিবেচিত হৈছে ৷ তেওঁ লগতে উল্লেখ কৰে যে, স্বাস্থ্যখণ্ডৰ সৈতে জড়িত ব্যক্তিসকলৰ অভাৱে খণ্ডটোক আৰু অধিক দূৰ্বল কৰি তুলিছে ৷ যদিহে কোনো পৰীক্ষণে এইটো দেখুৱাবলৈ সক্ষম হয় যে, স্বাস্থ্যকৰ্মীগৰাকীৰ দেহত কোভিড-19 হৈছে আৰু তেওঁৰ ৰোগ প্ৰতিৰোধ কৰিব পৰা যাব, তেতিয়া তেওঁ কোনোধৰণৰ ভয় অথবা শংকা অবিহনে নিজৰ কাম কৰি যাব পাৰিব ৷