নিউজ ডেস্ক, 27 এপ্ৰিলঃ বেংগালুৰুৰত সোমবাৰে আত্মহত্যা কৰিলে এগৰাকী COVID-19 আক্ৰান্ত ব্যক্তিয়ে । লোকজন চিকিৎসাৰ বাবে ভৰ্তি হৈ আছিল ভিক্টোৰিয়া হাস্পতালত । চিকিৎসাধীন হৈ থকা হাস্পতাল খনৰ পঞ্চম মহলাৰ পৰা জঁপিয়াই আত্মহত্যা কৰে 50 বছৰীয়া লোকজনে । এগৰাকী জেষ্ঠ্য আৰক্ষী বিষয়াই জানিবলৈ দিয়ে এই কথা ।
চিকিৎসালয় কৰ্তৃপক্ষই প্ৰকাশ কৰা অনুসৰি লোকজন পূৰ্বৰ পৰাই কিড্নীৰ ৰোগতো আক্ৰান্ত হৈ আছিল । আনহাতে পৰিয়ালৰ লোকে অভিযোগ কৰে যে, লোকজনক ভালদৰে সুশ্ৰষা কৰা হোৱা নাছিল ।