হাস্পতালত 10 ঘন্টাৰ ভিতৰত বিয়পিব পাৰে কৰ'ণা ভাইৰাছ : অধ্যয়ন

UCL আৰু গ্ৰেট অৰমণ্ড ষ্ট্ৰীট হাস্পতালৰ নতুন অধ্যয়ন অনুসৰি, 10 ঘন্টাৰ ভিতৰত কৰ'ণা ভাইৰাছ এটা ৱাৰ্ডৰ পৃষ্ঠভূমিৰ আধা স্থানত সম্প্ৰসাৰিত হ'ব পাৰে আৰু অতি কমেও 5 দিন পৰ্যন্ত থাকিব পাৰে ৷ গৱেষকসকলে এখন হাস্পতালত COVID-19 সম্প্ৰসাৰণ সম্পৰ্কত তথ্য সংগ্ৰহৰ বাবে ভাইৰাছে আক্ৰমণ কৰা এজোপা গছত কৃত্ৰিম DNA সংলগ্ন কৰিছিল ৷

নিউজ ডেস্ক, 16 জুন : COVID-19 মহামাৰীৰ ফলত সমগ্ৰ বিশ্বৰে স্বাস্থ্যখণ্ডত আতংকময় পৰিস্থিতিৰ সৃষ্টি হোৱাৰ সময়তে এক অধ্যয়নে প্ৰমাণ কৰিছে যে, এটা স্থানৰ পৰা হাস্পতালৰ এটা ৱাৰ্ডৰ পৃষ্ঠভূমিৰ আধা স্থানত 10 ঘন্টাৰ ভিতৰত ভাইৰাছ বিয়পি পৰিব পাৰে ৷

Journal of Hospital Infection য়ে জানিবলৈ দিয়া অনুসৰি, SARS-CoV-2 ভাইৰাছ কিদৰে হাস্পতালত সম্প্ৰসাৰিত হ'ব পাৰে সেই সম্পৰ্কত অধ্যয়ন কৰাই এই অধ্যয়নৰ লক্ষ্য আছিল ৷

University College Hospital (UCL) আৰু Great Ormond Street Hospital (GOSH) ৰ গৱেষকে জানিবলৈ দিয়ে যে, এখন হাস্পতালত সংগ্ৰহ কৰা নমুনাৰ পৰা এই কথা প্ৰতিপন্ন হৈছে যে 10 ঘন্টাৰ ভিতৰত কৰ'ণা ভাইৰাছবিধে এটা ৱাৰ্ডৰ পৃষ্ঠভূমিৰ আধা স্থানত সম্প্ৰসাৰিত হ'ব পাৰে আৰু অতি কমেও 5 দিন পৰ্যন্ত থাকিব পাৰে ৷

SARS-CoV-2 ভাইৰাছৰ পৰিৱৰ্তে গৱেষকসকলে এজোপা গছত কৃত্ৰিম DNA সংলগ্ন কৰিছিল আৰু এই DNA ৰ মানুহক আক্ৰমণ কৰিব পৰা সক্ষমতা নাই ৷

তেওঁলোকে ভাইৰাছবিধক এক মিলিলিটাৰ পানীত মিলাই লোৱাৰ পাচত কৰ'ণা ভাইৰাছত আক্ৰান্ত ৰোগীৰ শ্বাস-প্ৰশ্বাসৰ নমুনাত একে ধৰণৰ সংমিশ্ৰন লাভ কৰিছিল ৷

DNA ভৰ্তি এই পানীখিনি গৱেষকে এটা আইশ্বলেছন কোঠাৰ বিচনাত ৰাখি থয় আৰু পৰৱৰ্তী 5 দিনত কোঠাটোৰ 44 টা স্থানৰ নমুনা পৰীক্ষা কৰা হয় ৷

10 ঘন্টাৰ অন্তত তেওঁলোকে দেখিবলৈ পাই যে, কোঠাটোৰ 41 শতাংশত ভাইৰাছবিধৰ সম্প্ৰসাৰণ হৈছিল ৷ তিনি দিনৰ ভিতৰত এই সম্প্ৰসাৰণ 59 শতাংশলৈ বৃদ্ধি পাইছিল, আনহাতে, পঞ্চম দিনা এই সম্প্ৰসাৰণ হ্ৰাস পাই পুনৰ 41 শতাংশ হৈছিল ৷

আৰু পঢ়ক : পশ্চিমবংগত ভয়াৱহ ভাৱে বৃদ্ধি কোভিড-19 ত আক্ৰান্তৰ সংখ্যা