এতিয়াৰে পৰা 100 টকাত লাভ কৰিব প্ৰতি কেজি পিয়াঁজ !

আকাশলংঘী পিয়াঁজৰ মূল্য ৷ দেশৰ কেইবাখনো চহৰত বুধবাৰে পিয়াঁজৰ মূল্য 100 টকা স্পৰ্শ কৰে ৷

নিউজ ডেস্ক, 6 নৱেম্বৰঃ দেশত ক্ৰমাৎ বৃদ্ধি পাইছে পিয়াঁজৰ অত্যাৱশীয় মূল্য ৷ বুধবাৰে খুচুৰা বজাৰত পিয়াঁজৰ মূল্য 100 টকালৈ বৃদ্ধি পায় ৷ ৰাজধানী দিল্লী,চেন্নাইৰ লগতে অনান্য প্ৰান্ততো পিয়াঁজৰ মূল্য 100 টকা স্পৰ্শ কৰে ৷ নতুন দিল্লী, গুৱাহাটী, চেন্নাইৰ পৰা লাভ কৰা প্ৰতিবেদন অনুসৰি, আগন্তুক দিনবোৰত যদিহে পিয়াঁজৰ মূল্য নিয়ন্ত্ৰণ কৰা নহয়, তেন্তে মূল্য আৰু অধিক বৃদ্ধি পাব ৷ তথ্য অনুসৰি, 1 অক্টোবৰত 55 টকাকৈ সংৰক্ষণ কৰি পিয়াঁজৰ বজাৰ মূল্য বিগত সপ্তাহটোত 80 টকা স্পৰ্শ কৰে ৷

চেন্নাইৰ কয়োম্বড'ৰৰ পাইকাৰী বজাৰত 70 টকালৈ স্পৰ্শ কৰে পিয়াঁজৰ মূল্যই ৷ আনহাতে সৰু পিয়াঁজৰ বজাৰ মূল্য নিৰ্ধাৰিত মূল্যতকৈ 10 শতাংশ বেছি দৰত বিক্ৰী কৰা দেখা যায় ৷ গ্ৰাহকৰ অভিযোগৰ ভিত্তিত প্ৰশাসনে বজাৰ নিয়ন্ত্ৰণ কৰিব বুলি আশ্বাস প্ৰদান কৰে ৷ আনহাতে ওড়িশা চৰকাৰে আগন্তুক সপ্তাহটোত প্ৰতি কিঃমিঃ পিয়াঁজত 6 ৰ পৰা 10 বৃদ্ধি পাব বুলি জনায় ৷ পিয়াঁজৰ যোগান ধৰা তিনিখন ৰাজ্যতে চলি থকা ধাৰাষাৰ বৰষুণৰ বাবে অন্ধ্ৰপ্ৰদেশ, মহাৰাষ্ট্ৰ, কৰ্ণাটকত 6-10 টকালৈ বৃদ্ধি পাব পিয়াঁজৰ মূল্য ৷

লগতে পঢ়কঃ দিল্লীত মৃত্যুদূত ৰূপত বায়ু প্ৰদূষণ

পিয়াঁজৰ বৰ্ধিত মূল্য বৃদ্ধি সম্পৰ্কত ওড়িশা চৰকাৰৰ খাদ্য আৰু যোগান বিভাগৰ মন্ত্ৰী আৰ পি শ্বৱাইনে মন্তব্য কৰে যে, মহাৰাষ্ট্ৰ কৰ্ণাটকত হৈ থকা তীব্ৰ বৃষ্টি পাতৰ ফলত বদ্ধি পাইছে পিয়াঁজৰ মূল্য ৷ আনহাতে কেন্দ্ৰীয় খাদ্য আৰু যোগান বিভাগৰ মন্ত্ৰী ৰাম বিলাস পাচবানে মন্তব্য কৰে যে, ঘৰুৱা উৎপাদন 30-40 শতাংশ কম হোৱা বাবে খুচৰা বজাৰত বৃদ্ধি পাইছে পিয়াঁজৰ মূল্য ৷ পিয়াঁজৰ বৰ্ধিত মূল্য নিয়ন্ত্ৰণ কৰাৰ ক্ষেত্ৰত সকলো ধৰণৰ ব্যৱস্থা গ্ৰহণ কৰা বুলি আশ্বাস প্ৰদান কৰে কেন্দ্ৰীয় মন্ত্ৰীগৰাকীয়ে ৷

উল্লেখ্য যে, পিযাঁজৰ বৰ্ধিত মূল্য নিয়ন্ত্ৰণ কৰাৰ ক্ষেত্ৰত বুধবাৰে নিজ বাসগৃহত বিভাগটোৰ বিষয়া সকলৰ সৈতে এক বৈঠকত মিলিত হয় কেন্দ্ৰীয় মন্ত্ৰী ৰামবিলাস পাচৱান ৷