নিউজ ডেস্ক,4 আগষ্টঃ কৰ'ণা সংকটৰ এই জটিল সময়ত চাইবাৰ অপৰাধো মানুহৰ বাবে এক ডাঙৰ চিন্তাৰ কাৰণ হৈ পৰিছে ৷ এনে অপৰাধীৰ পৰা কেনেদৰে পৰিত্ৰাণ পাব পাৰি, এই সন্দৰ্ভত ইটিভি ভাৰতক বিধান আগবঢ়াইছে ছিকিউৰিটী এছ'চিয়েছন অফ ইণ্ডিয়াৰ সঞ্চালক প্ৰধান আৰু চাইবাৰ ছিকিউৰিটী বিশেষজ্ঞ কৰ্ণেল ইন্দ্ৰজিত সিঙে ৷
কৰ'ণা ভাইৰাছৰ সময়ত প্ৰায় সংখ্যক কোম্পানীয়ে উপায়হীন হৈ কৰ্মচাৰীক ৱৰ্ক ফৰ্ম হ'ম অৰ্থাৎ ঘৰৰ পৰা কাম কৰিবলৈ দিয়ে ৷ এই ৱৰ্ক ফৰ্ম হ'ম ধাৰণাটো অধিকাংশই গ্ৰহণ কৰিলে ৷ এয়া সকলোৰে বাবে ডাঙৰ প্ৰত্যাহ্বান ৷ কৰ্মচাৰীসকলো সমস্যাৰ সন্মুখীন হৈছে কাৰণ ইয়াৰ জৰিয়তে ডাঙৰ-ডাঙৰ কৰ্প'ৰেট গোষ্ঠীৰ তথ্য লিক আৰু তথ্য সুৰক্ষাৰ ওপৰত এক প্ৰশ্নবোধক আহি পৰিল ৷
কিন্তু ইয়াৰ লগতে কৰ'ণা সংকটৰ সময়ত কোম্পানীসমূহে নিজৰ চাইবাৰ সুৰক্ষাৰ কথাৰ ভৱাৰ এক অৱসৰো পাইছে ৷
কৰ্ণেল ইন্দ্ৰজিত সিঙে আগলৈ কয়, কৰ'ণা ভাইৰাছ দ্ৰুত হাৰত বৃদ্ধি পোৱাৰ লগে লগে চাইবাৰ ক্ৰাইমৰ সংখ্যাও বৃদ্ধি পাইছে ৷ চাইবাৰ অপৰাধীয়ে সৰু-ডাঙৰ সকলো ক্ষেত্ৰকে নিজৰ টাৰ্গেট কৰি লৈছে ৷
স্বাস্থ্য সেৱা ক্ষেত্ৰতো চাইবাৰ অপৰাধৰ ঘটনা পূৰ্বতকৈ যথেষ্ট গুণে বৃদ্ধি পাইছে ৷ অধিকাংশ ফাৰ্মা কোম্পানীত কৰ'ণা ভাইৰাছৰ ভেকছিনক লৈ পৰীক্ষণ চলাই থকা হৈছে ৷ এনেকুৱাতে হেৰ্কাছে মেলবেয়াৰ, এ.পী.টী, ৰেণসমবেয়াৰ ব্যৱহাৰ কৰি ভেকছিন পৰীক্ষণো হেক কৰাৰ চেষ্টা চলাই আছে ৷ এই ক্ষেত্ৰত হেল্থকেয়াৰ চেন্টাৰ আৰু ফাৰ্মা মেনুফেকচাৰিং প্লান্টক সুৰক্ষিত কৰি ৰখাটো যথেষ্ট গুৰুত্বপূৰ্ণ হৈ পৰিছে ৷
ইয়াৰোপৰি বেংকিং উদ্যোগ চাইবাৰ অপৰাধ বৃদ্ধি হৈ গৈ আছে ৷ গুৰুত্বপূৰ্ণ তথ্য লিক কৰাৰ বাবে হেৰ্কাছে মেলবেয়াৰ বিত্তীয় সংস্থানৰ ওপৰতো টাৰ্গেট কৰিছে৷
কেৱল সেয়াই নহয় পাৱাৰ গ্ৰিড, ৱাটাৰ প্লান্ট, তেল আৰু গেছ প্লান্ট, টেলিকম নেটৱৰ্কতো চাইবাৰ এটেকৰ সংখ্যা বৃদ্ধি পাইছে ৷
বৰ্তমান সময়ত ফিছিংগ ই-মেইল হেৰ্কাছে যথেষ্ট হাৰত ব্যৱহাৰ কৰিছে ৷ ইয়াৰ দ্বাৰা বিগত কেইমাহত চাইবাৰ অপৰাধ 600% লৈ বৃদ্ধি পাইছে ৷
চাইবাৰ অপৰাধৰ পৰা হাত সাৰিবৰ বাবে কিছু টিপ্ছ চাইবাৰ অপৰাধৰ পৰা হাত সাৰিবৰ বাবে কৰ্ণেল ইন্দ্ৰজিত সিঙে কিছু টিপ্ছ প্ৰদান কৰিছেঃ
- হেকাৰ্ছক এণ্ড পইন্ট ছিকিউৰিটীৰ প্ৰয়োজন হয়, সেই বাবে সদায় এণ্ড পইন্ট ছিকিউৰিটী মজবুত হ'ব লাগে ৷
- এণ্ড পইন্টৰ বাবে তথ্য লিক কৰাটো বন্ধ কৰিব লাগিব৷
- ৱেব ফিল্টাৰিংগৰ ব্যৱহাৰ কৰিব লাগে ,ই ভুৱা ৱেবচাইট বন্ধ কৰাৰ কাম কৰে৷
- এণ্ড পইন্ট ছিকিউৰিটীয়ে তথ্য চোৰ কৰা ফাইল সমূহ বিচাৰি উলিয়াব পাৰে৷
- এটা সুৰক্ষিত পাছৱৰ্ড ব্যৱহাৰ কৰিব লাগে আৰু ইয়াক সময়ে সময়ে সলনি কৰি থাকিব লাগে৷
- এনেকুৱা পাছৱৰ্ড ৰাখিব নালাগে যিটো সকলোৰে বোধগম্য হয়, যেনে আপোনাৰ জন্ম তাৰিখ,নামৰ পিছত জন্ম চন আদি ৷ এইবিলাক অতি সহজে ক্ৰেক কৰিব পাৰি ৷ পাছৱৰ্ড এনেকুৱা ৰাখিব লাগে যি আল্ফানিউমাৰিক হয় অৰ্থাৎ নম্বৰ আৰু আখৰ দুয়োটাই থাকে আৰু পৰাপক্ষত এটা স্পেছিয়েল কেৰেক্টাৰ (@ বা $ৰ দৰে চিহ্ন) থাকিব লাগে ৷
- ঘৰৰ পৰা কাম কৰা কৰ্মচাৰী সকলে V.P.N পিন ব্যৱহাৰ কৰিবলৈ আৰম্ভ কৰিব লাগে৷
- অপাৰেটিং চিষ্টেম,ই-মেইল ক্লাইন্ট আৰু চফটৱেৰ অটোমেটিক ৰূপত আপডেট হৈ আছেনে নাই তাক সুনিশ্চিত কৰিব লাগে ৷
- শেষত অতি গুৰুত্বপূৰ্ণ কথা, আপোনাৰ তথ্য কোনো এনেকুৱা ব্যক্তিৰ ওচৰত থাকিব নালাগে যি তথ্যখিনিৰ দুৰ্ব্যৱহাৰ কৰিব পাৰে ৷অচিনাকী লোকৰ সৈতে নিজৰ ই-মেইল ,ফোন নম্বৰ তথা যিকোনো গোপনীয় তথ্য শ্বেয়াৰ নকৰিব ৷কাৰণ কেতিয়াবা তেনেলোক হেৰ্কাছো হ'ব পাৰে ৷
লগতে পঢ়কঃপৰিৱেশ প্ৰভাৱ সম্পৰ্কীয় খচৰাই উত্তাল কৰিছে উত্তৰ-পূৰ্বাঞ্চল
