পুলৱামাত উগ্ৰপন্থীয়ে হত্যা কৰিলে স্থানীয় নাগৰিকক

জম্মু কাশ্মীৰৰ পুলৱামা জিলাত এজন ৪০ বছৰীয়া স্থানীয় নাগৰিকক হত্যা। পুলৱামাৰ কংগন জিলাৰ বাসিন্দা আজাদ আহমেদ ডাৰ নামৰ লোকজনক শনিবাৰে ঘৰৰ ভিতৰত প্ৰৱেশ কৰি উগ্ৰপন্থীয়ে হত্যা কৰিলে ।

নিউজ ডেস্ক, ১৬আগষ্ট: আৰক্ষী সূত্ৰৰ পৰা পোৱা তথ্য অনুসৰি, শনিবাৰে নিশা জম্মু কাশ্মীৰৰ পুলৱামা জিলাত উগ্ৰপন্থীৰ এটা দলে এগৰাকী স্থানীয় নাগৰিকক হত্যা কৰে ।

এগৰাকী আৰক্ষী বিষয়াই উল্লেখ কৰা মতে, পুলৱামা জিলাৰ দাদুৰা কংগন অঞ্চলৰ আজাদ আহমেদ ডাৰ নামৰ ৪০ বছৰীয়া স্থানীয় ব্যক্তি জনক নিজ গৃহতেই উগ্ৰপন্থীৰ দলে নিশা প্ৰায় ৯:৪০ বজাত গুলিয়াই গুৰুতৰভাৱে আহত কৰিছিল ।

গুৰুতৰ ভাৱে আঘাটপ্ৰাপ্ত লোকজনক ততাতৈয়াকৈ চিকিৎসালয়লৈ নিয়া হৈছিল যদিও পথতে মৃত্যু সাবতি ললে লোকজনে । উগ্ৰপন্থীয়ে আজাদ আহমেদ ডাৰক কিয় আক্ৰমণৰ লক্ষ্য কৰি ল'লে সেয়া এতিয়াও জানিব পৰা নাই আৰক্ষীয়ে ।

ইতিমধ্যে ঘটনা স্থলীলৈ প্ৰেৰণ কৰা হৈছে নিৰাপত্তা বাহিনীৰ অতিৰিক্ত এটা দল । নিৰাপত্তা বাহিনীৰ দলটোৱে উগ্ৰপন্থীৰ সন্ধানত সমগ্ৰ অঞ্চলটো ঘেৰাও কৰি আৰম্ভ কৰিছে অভিযান ।