নিউজ ডেস্ক, ৬ জুনঃ কৰ্ণাটকৰ দক্ষিণ কন্নড় জিলাকে ধৰি দেশৰ ভিন্ন প্ৰান্তত ১ জুনৰ পৰা অৰ্থাৎ কেন্দ্ৰ চৰকাৰে আনলক বুলি ঘোষণা কৰা পাচৰে পৰা আৰম্ভ হৈছে চিটি বাছ সেৱা ।
বাছ সেৱা পুনৰ আৰম্ভ হোৱা সময়ৰ পৰাই ব্যক্তিগত বাছ সমূহৰ একাংশ স্বত্বাধিকাৰীয়ে বাছৰ কণ্ডাক্টৰসকলক পিপিই কীট প্ৰদান কৰে । যাৰ বাবে দেওবাৰে কন্নড়ৰ ষ্টেট বেংক শক্তিনগৰৰ বাছ ষ্টপত এজন কণ্ডাক্টৰক পিপিই কীট পৰিধান কৰি বাছ সেৱা আগবঢ়োৱা প্ৰত্যক্ষ কৰা দেখা গৈছে ।
বাছ কণ্ডাক্টৰ ছেইচে কয় যে,পিপিই কীট পৰিধাণ কৰাৰ পূৰ্বে আমি বাছত কাম কৰিবলৈ সংকোচ হোৱাৰ উপৰিও ভয় খাইছিলো । কিয়নো বাছখনত ভিন্ন ধৰণৰ ব্যক্তিয়ে যাত্ৰা কৰে । কিন্তু আমাক যেতিয়াৰ পৰাই মালিকে পিপিই কীট প্ৰদান কৰে তেতিয়াৰ পৰা আমি বিনা সংকোচে কাম কৰিবলৈ লৈছো ।
তাৰোপৰি মংগৰুলুৰ কিছু সংখ্যক বাছৰ ড্ৰাইভাৰকো নিজৰ সুৰক্ষাৰ বাবে পিপিই কীট পৰিধাণ কৰা পৰিলক্ষিত হয় ।
লগতে চাওকঃ পঞ্চম স্থানৰে কামৰূপ জিলালৈ সুনাম কঢ়িয়ালে জ্যোতি বেজবৰুৱাই