নিউজ ডেস্ক , ৩১ জানুৱাৰী : কৰ'ণা মহামাৰীৰ সময়ত বিভিন্ন ক্ষেত্ৰৰ লগতে চিনেমা আৰু থিয়েটাৰ উদ্য়োগ যথেষ্ট পৰিমাণে ক্ষতিগ্ৰস্থ হৈছে । ছবি গৃহবোৰ খুলি দিয়া হৈছে যদিও সীমিত সংখ্য়ক দৰ্শকৰ উপস্থিতিৰ বাবে যথেষ্ট লোকচানৰ সন্মুখীন হৈছে ব্য়ৱসায়ৰ লগত জড়িত লোকসকল । চিনেমা আৰু থিয়েটাৰ ব্য়ৱসায়ক পুনৰ আগৰ অৱস্থালৈ ঘুৰাই অনাৰ প্ৰয়াস কৰিছে চৰকাৰে ।
অহা ১ ফেব্ৰুৱাৰীৰ পৰা ১০০ শতাংশ আসনেৰে ছবি গৃহবোৰ খোলাৰ নিৰ্দেশ দিলে চৰকাৰে । কেন্দ্ৰীয় গৃহ মন্ত্ৰালয়ৰ অনুমোদনৰ পিছত কেন্দ্ৰীয় তথ্য আৰু সম্প্ৰচাৰ (আই.এণ্ড.বি) মন্ত্ৰালয়ে দেওবাৰে চিনেমা হল পৰিচালনা সম্পৰ্কে এই নিৰ্দেশনা মুকলি কৰে । অৱশ্যে, ছবিগৃহসমূহক এই সময়চোৱাত আন ক'ভিড-১৯ ৰ স্বাস্থ্য় বিধি পালন কৰিবলৈও আহ্বান জনোৱা হয় ।
ছবিগৃহৰ প্ৰৱেশ পথত থাৰ্মেল স্কেন কৰাটো বাধ্যতামূলক । চিনেমাৰ দুটা শ্ব'ৰ মাজত কিছু সময়ৰ ব্যৱধান থাকিব লাগিব যাতে ছবিগৃহত প্ৰৱেশ কৰা আৰু বাহিৰলৈ যোৱা লোকসকলে সামাজিক দূৰত্ব বজাই ৰাখিব পাৰে ।