নিউজ ডেস্ক, 25 ডিচেম্বৰ:আজি পবিত্ৰ বৰদিন৷ বৰদিন উপলক্ষে সমগ্ৰ দেশবাসীক শুভেচ্ছা জ্ঞাপন কৰে প্ৰধানমন্ত্ৰী নৰেন্দ্ৰ মোডীয়ে ৷ লগতে যীশুখ্ৰীষ্টৰ মহান চিন্তাধাৰাক সোঁৱৰে প্ৰধানমন্ত্ৰীগৰাকীয়ে ৷ যীশুখ্ৰীষ্টৰ চিন্তাধাৰাই বিশ্বৰ লাখ লাখ লোকক অনুপ্ৰাণিত কৰাৰ কথাও টুইটাৰযোগে প্ৰকাশ কৰে প্ৰধানমন্ত্ৰী গৰাকীয়ে৷
'মেৰী খ্ৰীষ্টমাছ ! মানৱ সমাজৰ দুখ-বেদনা দুৰ কৰাৰ অৰ্থে সেৱা আৰু কৰুণাৰ ভাৱক প্ৰতীক হিচাপে লৈ যিদৰে যীশু খ্ৰীষ্টই তেওঁৰ সমগ্ৰ জীৱন সমৰ্পিত কৰিলে, তেওঁৰ সেই ত্যাগক আমি সদায় মনত ৰাখিব লাগে ৷ তেওঁৰ মহান চিন্তাধাৰাক বিশ্বৰ বহুতো লোকে অনুপ্ৰেৰণা হিচাপে লয় বুলিও টুইটাৰ যোগে উল্লেখ কৰে প্ৰধানমন্ত্ৰী গৰাকীয়ে ৷