ভাৰত-চীনৰ সম্পৰ্কক কোনেও বাধা দিব নোৱাৰেঃ চীনা দূত চান ৱেইদং

চীনৰ ভাৰতীয় দূতাৱাসত থকা সচিব চান ৱেইদঙে দুয়োখন দেশৰ মাজৰ সম্পৰ্কত কোনো তৃতীয় শক্তিয়ে বাধা প্ৰদান কৰিব নোৱাৰে বুলি উল্লেখ কৰিছে ৷

নিউজ ডেস্ক, 20 জুলাইঃ দেশৰ প্ৰধানমন্ত্ৰী নৰেন্দ্ৰ মোডীৰ সৈতে চলিত বৰ্ষৰ শেষৰফালে দ্বিতীয়টো অনানুষ্ঠানিক আলোচনাত মিলিত হ'ব চীনৰ ৰাষ্ট্ৰপতি ঝী ঝিনপিং ৷ এই ভ্ৰমণৰ পূৰ্বেই চীনে দুয়োখন দেশৰ মাজত থকা বৈদেশিক সম্পৰ্কক কোনো তৃতীয় শক্তিয়ে প্ৰভাৱিত কৰিব নোৱাৰে বুলি উল্লেখ কৰিছে ৷ বিগত বৰ্ষত দুয়োখন দেশৰ দুয়োগৰাকী ৰাষ্ট্ৰপ্ৰধানে মিলিত হোৱা প্ৰথমলানি আলোচনাৰ পিচতে চলিত বৰ্ষত দ্বিতীয়লানি আলোচনাৰ বাবে সাজু হৈ উঠিছে দুয়োখন দেশ ৷

চীনৰ ৰাষ্ট্ৰদূত চান ৱেইদং

ভাৰতত থকা চীনৰ ৰাষ্ট্ৰদূত চান ৱেইদঙে দুয়োখন দেশৰ মাজৰ সম্পৰ্কক লৈ এইদৰে উল্লেখ কৰিছে ৷ দুয়োখন দেশৰ মাজত থকা সামৰিক-কূটনৈতিক সম্পৰ্কই ইতিমধ্যেই অগ্ৰগতি লাভ কৰিছে ৷ নতুন দিল্লীস্থিত চীনা দূতাৱাসত নিজৰ দায়িত্বভাৰ গ্ৰহণ কৰি চীনৰ ৰাষ্ট্ৰদূতগৰাকীয়ে সংবাদ মাধ্যমৰ আগত এই কথা উল্লেখ কৰে ৷ দুয়োখন দেশেই সীমা সম্পৰ্ক, বাণিজ্যিক সম্পৰ্ক, চিপেক(CPEC) আদি বিষয়ৰ ওপৰত অধিক গুৰুত্ব প্ৰদান কৰিব বুলিও ৰাষ্ট্ৰদূতগৰাকীয়ে উল্লেখ কৰে ৷

ঝী ঝিনপিঙৰ সৈতে নৰেন্দ্ৰ মোডী