নিউজ ডেস্ক, 6 জুলাইঃঝাৰখণ্ডৰ ৰাজধানী ৰাঁচীত জাপানীজ এনকেফেলাইটিছত আক্ৰান্ত হৈ মৃত্যু ঘটিছে এটি শিশুৰ ৷ ৰাঁচীৰ চৰকাৰী স্বাস্থ্যখণ্ডই প্ৰকাশ কৰা তথ্য অনুসৰি লাতেহাৰ নিবাসী এটি শিশুৰ মৃত্যু ঘটাৰ লগতে এশৰো অধিক শিশু এই বেমাৰত আক্ৰান্ত হৈছে ৷
যিটো সময়ত বিহাৰত দুশৰো অধিক শিশু জাপানীজ এনকেফেলাইটিছত আক্ৰান্ত হৈ মৃত্যু ঘটিছিল তেনে সময়তে ঝাৰখণ্ডত দেখা দিয়া বেমাৰৰ লক্ষণ বৰ্তমানে চিন্তাৰ কাৰণ হৈ পৰিছে ৷ ইতিমধ্যে ৰাজ্যখনৰ চৰকাৰী স্বাস্থ্যখণ্ডৰ লগতে বেচৰকাৰী সকলো স্বাস্থ্যকেন্দ্ৰকে এই বিষয়ে সচেতন হৈ থাকিবলৈ নিৰ্দেশনা প্ৰদান কৰিছে ৰাজ্য চৰকাৰে ৷