চত্তীশগড়ত পৰিয়ালৰ ৫ গৰাকী সদস্যক হত্যা কৰি আত্মহত্যা এজন মানসিক ৰোগীৰ

শুকুৰবাৰে চত্তীশগড়ৰ বিলাসপুৰত দ্ৰুতবেগী বাহনৰ সন্মুখত জপিয়াই আত্মহত্য়া কৰে এজন মানসিক বিকাৰগ্ৰস্থ যুৱকে । যুৱকজনে আত্মহত্যা কৰাৰ পূৰ্বে পৰিয়ালৰ পিতৃ-মাতৃসহ তিনি গৰাকী ভাতৃ-ভগ্নীক চোকা অস্ত্ৰৰে হত্যা কৰে বুলি জানিবলৈ দিয়ে আৰক্ষীয়ে ।

নিউজ ডেস্ক, ২৪ জুলাইঃ চত্তীশগড়ৰ বিলাসপুৰত শুকুৰবাৰে সংঘটিত হয় এটি মৰ্মান্তিক ঘটনা । বিলাসপুৰত শুকুৰবাৰে এখন দ্ৰুতবেগী গাড়ীৰ সন্মুখত জাপ দি আত্মহত্যা কৰে এটি ২২ বছৰীয়া মানসিকভাৱে বিকাৰগ্ৰস্ত যুৱকে । যুৱকজনে আত্মহত্যা কৰাৰ পূৰ্বে অভিভাৱকসহ পৰিয়ালৰ পাঁচজন সদস্যক হত্যা কৰাৰ অভিযোগ উত্থাপন হৈছে বুলি জানিবলৈ দিয়ে আৰক্ষীয়ে ।

চত্তীশগড়ত পৰিয়ালৰ ৫ গৰাকী সদস্যক হত্যা কৰি আত্মহত্যা এজন মানসিক ৰোগীৰ

বৃহস্পতিবাৰে নিশা ৰোশন সূৰ্যবংশী নামৰ যুৱকজনে শুই থকা অৱস্থাতে পিতৃ ৰূপ দাস সূৰ্যবংশী(৪৫) মাতৃ সন্তোষী বাই (৪০)ভগ্নী কামিনী (১৮)ৰ উপৰিও দুজন ভাতৃ ক্ৰমে ৰোহিত (২০) আৰু ঋষি (১৫)ক চোকা অস্ত্ৰৰে হত্যা কৰে বুলি আৰক্ষীৰ প্ৰাথমিক তদন্তত প্ৰকাশ পায়। আনহাতে,ঘটনা সংঘটিত কৰিয়েই ৰোশন সূৰ্যবংশীয়ে ঘৰৰ পৰা পলায়ন কৰে আৰু শুকুৰবাৰে পুৱাই এখন দ্ৰুতবেগী বাহনৰ সন্মুখত পৰি আত্মহত্যা কৰে ।

ঘটনা সন্দৰ্ভত গাঁওবাসীয়ে আৰক্ষীক খবৰ দিয়া পাচতে ঘটনাস্থলীত আৰক্ষী উপস্থিত হৈ মৃতদেহ উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰে । হত্যাৰ কাৰণ বৰ্তমান পৰ্যন্ত ফাদিল হোৱা নাই যদিও অভিযুক্ত ৰোশন মানসিকভাৱে বিকাৰগ্ৰস্ত বুলি জানিবলৈ দিয়ে গাঁওবাসীয়ে ।

লগতে চাওকঃ প্ৰমোদ বড়োৰ সৈতে তুলনা নহয় প্ৰাক্তন বিধায়ক চণ্ডী বসুমতাৰীৰ : ইউ পি পি এল