নেশ্যনেল ডেস্ক, ২৪ ডিচেম্বৰ: পৰম্পৰা অক্ষুণ্ণ ৰাখি দ্য মিজো চেলছি ছাপ'ৰ্টাৰ্ছ ক্লাবে আৰ্থিক সাহায্য আগবঢ়ালে মিজোৰামৰ ১৪টা দৰিদ্ৰ পৰিয়াললৈ । মহামাৰীয়ে আৰ্থিক দিশ কোঙা কৰি পেলোৱা এই পৰিয়ালকেইটালৈ ১৫০,০০০টকাৰ আৰ্থিক সাহায্য আগবঢ়াইছে ক্লাবটোৱে । দুসপ্তাহৰ ভিতৰত দ্য মিজো চেলছি ছাপ'ৰ্টাৰ্ছ ক্লাবে ২২১টা সাহায্য শিবিৰৰ আয়োজন কৰিব ।
দৰিদ্ৰ পৰিয়াললৈ দ্য মিজো চেলছি ছাপ'ৰ্টাৰ্ছ ক্লাবৰ আৰ্থিক সাহায্য
কৰ'ণাসৃষ্ট পৰিস্থিতিত আৰ্থিকভাৱে জুৰুলা হোৱা মিজোৰামৰ ১৪টা পৰিয়াললৈ সহায়ৰ হাত আগবঢ়াইছে দ্য মিজো চেলছি ছাপ'ৰ্টাৰ্ছ ক্লাবে । পৰিয়ালকেইটালৈ দ্য মিজো চেলছি ছাপ'ৰ্টাৰ্ছ ক্লাবে ১,৫০,০০০টকাৰ আৰ্থিক সাহায্য আগবঢ়াইছে ।
দৰিদ্ৰ পৰিয়াললৈ দ্য মিজো চেলছি ছাপ'ৰ্টাৰ্ছ ক্লাবৰ আৰ্থিক সাহায্য
দ্য মিজো চেলছি ছাপ'ৰ্টাৰ্ছ ক্লাব হৈছে এটা মিজো অনুৰাগীৰ ক্লাব, যিটো ২০১১ চনৰ ১১ নৱেম্বৰত ফুটবল দল চেলছি এফ চিৰ নামত দান-বৰঙণি আগবঢ়োৱাৰ লক্ষ্যৰে আৰম্ভ কৰা হৈছিল । প্ৰতিবছৰে বৰদিনৰ সময়ত এই ক্লাবটোৱে দানৰ বাবে ধন সংগ্ৰহ কৰিবলৈ বাইক ৰেলী আয়োজন কৰাৰ লগতে দৰিদ্ৰলোকক খাদ্য আৰু বস্ত্ৰ দান কৰে ।
লগতে প্লাষ্টিকৰ ব্যৱহাৰ বন্ধ কৰাৰ বাবে সজাগতামূলক সমদল, ৰক্তদান শিবিৰ আদিৰ আয়োজন কৰে । ক্লাবৰ এই কাৰ্যক চেলছি এফ চি ক্লাবেও স্বীকৃতি দিছে আৰু চেলছিৰ আলোচনী, ছ'চিয়েল মিডিয়াতো তেওঁলোকৰ বিষয়ে প্ৰকাশ কৰা হৈছে । ২০১৯ চনৰ ২২ ছেপ্টেম্বৰত চেলছি এফ চিৰ দ্বাৰা মিজো চেলছি ছাপ'ৰ্টাৰ্ছ ক্লাবৰ বেনাৰ ষ্টেমফ'ৰ্ড দলঙত প্ৰদৰ্শন কৰা হৈছিল ।
লগতে পঢ়ক:পালঘৰ সাধু গণহত্যা গোচৰত আৰু 19ক গ্ৰেপ্তাৰ