নিউজ ডেস্ক, 22 নৱেম্বৰ :কেন্দ্ৰীয় অনুসন্ধান তথ্য চমুকৈ চিবিআইয়ে দেওবাৰে হাথৰস কাণ্ডৰ তদন্তৰ বাবে আলিগড় কাৰাগাৰৰ চাৰিজন অভিযুক্তৰ প’লিগ্ৰাফ আৰু মগজুৰ মানসিক স্থিতি পৰীক্ষা কৰিবলৈ নিজৰ জিম্মাত লৈছে ৷ আলিগড় কাৰাগাৰৰ অধীক্ষক গৰাকীয়ে জানিবলৈ দিয়ে এই কথা ৷ অধীক্ষক গৰাকীয়ে আকৌ জানিবলৈ দিয়া অনুসৰি, শনিবাৰে CBI য়ে অভিযুক্ত চাৰিজনক আলিগড় কাৰাগাৰৰ পৰা গুজৰাটৰ গান্ধী নগৰলৈ আনিছে ৷
লগতে পঢ়ক :প্ৰাসংগিক প্ৰেক্ষাপটত এইবাৰৰ অতিথি ইউপিপিএলৰ সভাপতি প্ৰমোদ বড়ো
উল্লেখ্য যে, 14 ছেপ্তেম্বৰত উত্তৰ প্ৰদেশৰ হাথৰসত এগৰাকী 19 বছৰীয়া কিশোৰীক দলবদ্ধ ধৰ্ষণ কৰা হৈছিল ৷ পৰৱৰ্তী সময়ত কিশোৰী গৰাকীক চিকিৎসালয়ত ভৰ্তি কৰোৱা হৈছিল যদিও 29 ছেপ্তেম্বৰত কিশোৰী গৰাকী চিকিৎসাধীন অৱস্থাত মৃত্যু হৈছিল ৷ ইফালে, কিশোৰী গৰাকীৰ মৃত্যুৰ পিচত প্ৰশাসনে পৰিয়ালৰ লোকক অবগত নকৰাকৈ কিশোৰী গৰাকীৰ অন্ত্যেষ্টিক্ৰিয়া কৰিছিল ৷ যাৰবাবে সমগ্ৰ দেশজুৰি প্ৰতিক্ৰিয়াৰ সৃষ্টি হৈছিল আৰু দোষীক কৰায়ত্ব কৰি মৃত্যুদণ্ড বিহাৰ দাবী জনাইছিল ৷
লগতে পঢ়ক :তৰুণ গগৈৰ স্বাস্থ্য সন্দৰ্ভত জিএমছিএইছ অধ্যক্ষৰ মন্তব্য