সাৰদা কেলেংকাৰীঃ তৃণমূলৰ সাংসদ ডেৰেক অ' ব্ৰেইনলৈ চমন জাৰী চিবিআইৰ

বিগত জানুৱাৰী মাহতে অপৰাধ অনুসন্ধান সংস্থাটোৱে তৃণমূলৰ বিতৰ্কিত সাংসদগৰাকীলৈ চমন জাৰী কৰিছিল যদিও সংসদৰ অধিৱেশনৰ বাবে অনুসন্ধানকাৰী সংস্থাৰ পৰা সময় বিছাৰিছিল ডেৰেক অ' ব্ৰেইনে ৷

নিউজ ডেস্ক, 27 জুলাইঃ তৃণমূল কংগ্ৰেছৰ সাংসদ ডেৰেক অ' ব্ৰেইনলৈ পুনৰ চমন জাৰী কৰিছে কেন্দ্ৰীয় অপৰাধ অনুসন্ধানকাৰী সংস্থাই ৷ সাৰদা গোচৰত অভিযুক্ত হৈ পৰা সাংসদগৰাকীক চমনযোগে শীঘ্ৰেই সংস্থাটোৰ ওচৰত হাজিৰ হ'বলৈ কাঢ়া নিৰ্দেশনা প্ৰেৰণ কৰা হৈছে ৷ আগষ্ট মাহৰ প্ৰথম সপ্তাহৰ ভিতৰতে চিবিআইৰ ওচৰত হাজিৰ হ'বলৈ নিৰ্দেশনা প্ৰেৰণ কৰা হৈছে তৃণমূল কংগ্ৰেছৰ ৰাজ্যসভা সাংসদগৰাকীক ৷