নিউজ ডেস্ক, ২৯ জুনঃ হায়দাৰৱাদৰ এখন উন্নতমানৰ চৰকাৰী হাস্পতালত চিকিৎসাধীন হৈ থকা এজন COVID-19ত আক্ৰান্ত ব্যক্তিৰ মৃত্যুৰ পূৰ্বে কৰা এটি ভিডিঅ' বিশেষভাৱে চৰ্চিত হৈছে । COVID-19ত আক্ৰান্ত ব্যক্তি গৰাকীয়ে মৃত্যুৰ পূৰ্বে পিতৃক শেষ বিদায় জনাই কৰা ভিডিঅ'টো ভাইৰেল হৈ পৰিছে ছ'চিয়েল মিডিয়াত ।
২৪ জুনত COVID-19ত ৰিপোৰ্ট লাভ কৰাৰ পাচতে হাস্পতালত ভৰ্তি কৰোৱা ৩৪ বছৰীয়া ব্যক্তিগৰাকীৰ ২৬ জুনত মৃত্যু হয় বুলি জানিবলৈ দিয়ে পৰিয়ালে ।
COVID-19ত আক্ৰান্ত হৈ মৃত্যু হোৱা যুকজনে কৰা ভিডিঅ'ত কয় যে, মই উশাহ লব পৰা নাই দেউতা । বিদায় !! মই হাস্পতাল কৰ্তৃপক্ষক কৈছো যে মই উশাহ লোৱাত কষ্ট পাইছো । কিন্তু তাৰ পাচতো তেওঁলোকে মোৰ ভেণ্টিলেটৰ গুছাই দিয়ে । মই অশান্তি অনুভৱ কৰিছো । মোৰ হৃদযন্ত্ৰৰ প্ৰক্ৰিয়া বন্ধ হৈ গৈছে দেউতা । বিদায় !
আনহাতে, মৃত ব্যক্তিজনৰ পিতৃয়ে ভিডিঅ' শ্বেয়াৰ কৰে আৰু কয়, বিশ্ববাসী এই ভিডিঅ'টোৰ জৰিয়তে অৱগত হওক হাস্পতালসমূহে ৰোগীৰ লগত কি কৰে । অন্য পৰিয়ালৰ সৈতে যেন এনে নহওক তাৰ বাবে ভগৱানৰ ওচৰত প্ৰাৰ্থনা কৰিলো ।
তাৰোপৰি হাস্পতাল কৰ্তৃপক্ষই যুৱকজনে কৰা এই ভিডিঅ'টো মিছা বুলি মত প্ৰকাশ কৰে । হাস্পতালখনৰ স্বাস্থ্য কৰ্মীয়ে ৰোগী গৰাকীক সৈতে কোনো প্ৰকাৰৰ গাফিলতি কৰা নাই বুলি সদৰি কৰে । লগতে হাস্পতাখনৰ অধ্যক্ষ ডা৹ মহবুবে খানে ৰোগী গৰাকীক ভেণ্টিলেটৰত ৰখা নাই বুলি মত প্ৰকাশ কৰে । তাৰোপৰি ৰোগীজন পূৰ্বৰ পৰাই মায়োকাৰ্ডিটিছ নামৰ বেমাৰত আক্ৰান্ত বুলিও উল্লেখ কৰে হাস্পতাল কতৃপক্ষই ।